ໃນ​ຕອນ​ເຊົ້າຂອງ ວັນ​ທີ 7 ພຶດສະພາ 2012 ທ່ານ ສຈ ດຣ. ເອກສະຫວ່າງ ວົງວິຈິດ, ກຳມະ​ການ​ສູນ​ກາງ​ພັກ, ລັດຖະມົນຕີວ່າການກະຊວງສາທາລະນະສຸກ ພ້ອມດ້ວຍທີ​ມງານ ຢ້ຽມຢາມ​ພະ​ແນ​ກສາທາລະນະ​ສຸກ​ແຂວງ​ບໍ​ແກ້ວ ​ໂດຍ​ມີ​ຈຸດປະສົງ​ເພື່ອ​ຕິດຕາມ​ສະພາບ​ການຈັດ​ຕັ້ງ​ປະຕິບັດ​ວຽກ​ງານ​ສາທາລະນະ​ສຸກ​ຂອງ​ແຂວງ​ບໍ​ແກ້ວ ທີ່​ຕິດ​ພັນ​ກັນ​ການ​ບັນລຸ​ເປົ້າ​ໝາຍ​ສະຫັດ​ສະ​ວັດ

ທ່ານ ສຈ ດຣ. ເອກສະຫວ່າງ ວົງວິຈິດ, ກຳມະ​ການ​ສູນ​ກາງ​ພັກ, ລັດຖະມົນຕີວ່າການກະຊວງສາທາລະນະສຸກ ພ້ອມດ້ວຍທີ​ມງານ ຢ້ຽມຢາມໂຮງໝໍແຂວງບໍແກ້ວ ໃນວັນທີ 6 ພຶດສະພາ 2012 ແລະ ຕິດຕາມສະພາບການຈັດຕັ້ງປະຕິບັດວຽກງານຂອງໂຮງໝໍແຂວງບໍແກ້ວ ໃນການຢ້ຽມຢາມຄັ້ງນີ້ທ່ານ ສຈ ດຣ. ເອກສະຫວ່າງ ວົງວິຈິດ ໄດ້ເຂົ້າຢ້ຽມຊົມແຕ່ລະຂະແໜງການຂອງໂຮງໝໍ

ເພື່ອ​ກະກຽມ​ຮັບ​ໃຊ້​ກອງ​ປະຊຸມ​ສຸດ​ຍອດ ອາ​ຊຽນ-ຢູ​ໂລບ​ທີ່​ຈະ​ຈັດ​ຂື້ນ​ໃນ​ທ້າຍ​ປີ​ນີ້ ​ແລະ ​ເພື່ອ​ຮັບ​ມືກັບບັນດາ ພະຍາດທີ່ອາດຈະເກີດລະບາດຂື້ນ ຍ້ອນສະພາບແວດລ້ອມ ໄດ້ມີການປ່ຽນແປງຢ່າງໄວວາ ທັງ​ໃນ​ພາກ​ພື້ນ ​ແລະ ​ໃນ​ໂລກ ​ໂດຍ​ສະ​ເພາະ​ພາຍ​ໃນ​ປະ​ເທດ​ຂອງ​ພວກ​ເຮົາ ​ເຊິ່ງອາດ​ສົ່ງ​ຜົນ​ກະທົບ​ໂດຍ​ກົງ​ຕໍ່​ສຸຂະພາບ ​ແລະ ຊິວິດ​ການ​ເປັນ​ຢູ່​ຂອງ​ປະຊາຊົນ​ບັນດາ​ເຜົ່າ. ການ​ຕອບ​ໂຕ້​ຕໍ່​ພະຍາດ​ລະບາດ​ແມ່ນ​ມີ​ຄວາມ​ຈຳ​ເປັນ ​ໂດຍ​ສະ​ເພາະ​ແມ່ນ​ພະຍາດ ​ໄຂ້ຫວັດ​ສັດ​ປີກ, ​ໄຂ້​ເລືອດ​ດຳ, ຖອກທ້ອງ​ຮຸນ​ແຮງ(ອະຫິວາ) ​ແລະ ​ໄຂ້​ເລືອດ​ອອກ.

ໃນວັນທີ 10 ເມສາ 2012 ທີ່ຜ່ານມາ ຢູ່ທີ່ ຫ້ອງວ່າການແຂວງ ແຂວງ ຊຽງຂວາງ ໄດ້ມີພິທີມອບລາງວັນ, ໃບຍ້ອງຍໍ ໃຫ້ແກ່ເມືອງ ແລະ ອສບ ຜູ້ທີ່ປະຕິບັດໂຄງການບໍລິການສຸຂະພາບແມ່ ແລະ ເດັກແບບເຊື່ອມສານທີມີຄວາມຄືບໜ້າ, ໂດຍການເຂົ້າຮ່ວມໃນພິທີດັ່ງກ່າວມີທ່ານ ສດຈ ດຣ. ເອກສະຫວ່າງ ວົງວິຈິດ ລັດຖະມົນຕີວ່າການກະຊວງສາທາລະນະສຸກ, ທ່ານ ຄຳປ່ຽນ ສີນວນທອງ ຮອງເຈົ້າແຂວງ ແຂວງຊຽງຂວາງ, ທ່ານ ດຣ. ກວາງ ສຸຮັນ ປະທານມູນນິທິເພື່ອສຸຂະພາບສາກົນ ສ.ເກົາຫລີ ພ້ອມດ້ວຍບັນດາຫົວໜ້າກົມຈາກກະຊວງສາທາລະນະສຸກ, ຫ້ອງວ່າການປົກຄອງແຂວງ ແຂວງ ຊຽງຂວາງ, ພະແນກສາທາແຂວງ, ພະແນກສາທາເມືອງ, ປະທານກຳມະທິການເພື່ອແມ່ ແລະ ເດັກຂັ້ນເມືອງ, ສຸສາລາ ແລະ ອສບ ເຂົ້າຮ່ວມ ຢ່າງພ້ອມພຽງ.

ວັນທີ 10 ເມສາ 2012 ທີ່ຜ່ານມາ ໄດ້ມີພິທີເຊັນບົດບັນທຶກຄວາມເຂົ້າໃຈ MOU ແລະ ພິທີມອບຮັບອາຫານເສີມຂື້ນຢູ່ທີ່ຫ້ອງວ່າການ ແຂວງ ແຂວງຊຽງຂວາງ ເປັນກຽດເຊັນບົດບັນທຶກດັ່ງກ່າວແມ່ນ ທ່ານ ສຈ ດຣ. ເອກສະຫວ່າງ ວົງວິຈິດ ລັດຖະມົນຕີວ່າການກະຊວງ ສາທາລະນະສຸກ, ທ່ານ ດຣ. ກວາງ ສຸຮັນ ປະທານມູນນິທິເພື່ອສຸຂະພາບສາກົນ,