• 17 Dec

 

 ໄດ້ເຂົ້າພົບ ທ່ານ. ຮສ. ດຣ. ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ແລະ ເຈົ້າໜ້າທີ່ອະວຸໂສຄົນອື່ນໆ ເພື່ອປຶກສາຫາລືກ່ຽວກັບການຮ່ວມມືດ້ານສາທາລະນະສຸກ ລະຫວ່າງ ສະຫະລັດອາເມລິກາ ແລະ ສປປ ລາວ ທີ່ພວມສືບຕໍ່ ແລະ ຂະຫຍາຍຕົວ.

 

 

ໂດຍການຊ່ວຍເຫລືອຈາກລັດຖະບານສະຫະລັດອາເມລິກາ, ສູນ CDC ສະຫະລັດອາເມລິກາ ກໍາລັງຮ່ວມເຮັດວຽກກັບບັນດາເຈົ້າໜ້າສາທາລະນະສຸກຂອງລາວ ໃນບັນດາໂຄງການຮ່ວມມືຕ້ານ ແລະ ສະກັດກັ້ນໄພຂົ່ມຂູ່ພະຍາດທີ່ກໍາລັງເກີດຂຶ້ນ ແລະ ເກີດຂຶ້ນໃໝ່ ເຊິ່ງລວມທັງ ພະຍາດໄຂ້ຫວັດສັດປີກ ແລະ ໄຂ້ຫວັດໃຫຍ່ສາຍພັນໃໝ່, ການຕ້ານ​ຕໍ່ຢາຂອງໄຂ້ມາເລເຣຍ, ໄຂ້ເລືອດອອກ ແລະ HIV/AIDS.

 

 

ວ່າການເອກອັກຄະລັດຖະທູດສະຫະລັດອາເມລິກາ ປະຈໍາ ສປປ ລາວ ທ່ານ ຄໍລິນ ຄຼອສບີ ກ່າວວ່າ: ສະຫະລັດອາເມລິກາ ຍັງຮ່ວມມືກັບ ລັດຖະບານ ແລະ ປະຊາຊົນລາວ ໃນຫຼາຍໂຄງການດ້ານສາທາລະນະສຸກເພື່ອສົ່ງເສີມດ້ານໂພຊະນາການ, ນໍ້າ​ສະ​ອາດ, ວິດຖ່າຍ ແລະ ສຸຂະອານາໄມ, ສຸຂະພາບແມ່ ແລະ ເດັກ

 

 

ສະໜັບສະໜູນຄົນພິການ ແລະ ໂຄງການອາຫານສຳລັບໂຮງຮຽນ ເຊິ່ງແມ່ນໂຄງການທີ່ນໍາຜົນປະໂຫຍດມາສູ່ບັນດາຄອບຄົວທົ່ວໄປຢູ່ ສປປ ລາວ.