• 04 Jan

 

 ວັນທີ 2 ທັນວາ ຜ່ານມາ ໂຮງໝໍມິດຕະພາບໄດ້ຈັດພິທີສະເຫຼີມສະຫຼອງວັນສ້າງຕັ້ງໂຮງໝໍມິດຕະພາບຄົບຮອບ 3ໄປີຂື້ນ ພາຍໃຕ້ການເປັນປະທານຂອງທ່ານ ຮສ ດຮ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ແລະ ມີທ່ານເອກອັກຄະລັດຖະທູດແຫ່ງສະຫະພັນລັດເຊຍປະຈຳລາວ, ບັນດາຮອງລັດຖະມົນຕີ, ຫົວໜ້າຫ້ອງການ, ຄະນະກົມ, ຄະນະອຳນວຍການໂຮງໝໍ, ບັນດາພາກສ່ວນຕ່າງໆອ້ອມຂ້າງກະຊວງສາທາລະນະສຸກ, ຕາງໜ້າອົງການຈັດຕັ້ງສາກົນ ແລະ ພະນັກງານແພດໝໍ ເຂົ້າຮ່ວມ 250 ທ່ານ ໃນພິທີ ທ່ານ ດຣ ສະໜອງ ທອງຊະນະ ຜູ້ອຳນວຍການໂຮງໝໍມິດຕະພາບໄດ້ລາຍງານຜົນງານ 30 ປີ ທີ່ໂຮງໝໍຍາດມາໄດ້, ທ່ານໄດ້ຍົກໃຫ້ເຫັນການເຕີບໃຫຍ່ຂະຫຍາຍຕົວຂອງໂຮງໝໍຕະຫລອດໄລຍະ 30ປີ ແລະ ໃນຕອນທ້າຍກໍ່ໄດ້ຮັບຟັງການໂອ້ລົມຂອງ ທ່ານ ຮສ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ຊື່ງທ່ານໄດ້ເນັ້ນໜັກໃຫ້ພະນັກງານແພດໝໍໃຫ້ມີຄວາມເອົາໃຈໃສ່ໃນໜ້າທີ່ວຽກງານໃນການຈັດຕັ້ງປະຕິບັດແຜນງານສາທາລະນະສຸກ, ໂດຍສະເພາະແມ່ນວຽກງານພັດທະນາການບໍລິການ 5 ດີ 1 ພໍໃຈ ການສະເຫຼີມສະຫຼອງຄັ້ງນີ້ ຍັງເປັນການລະນຶກເຖິງຄຸນງາມຄວາມດີຂອງການພົວພັນກັບອະດີດສະຫະພາບໂຊຫວຽດໃນຜ່ານມາກໍ່ຄືສະຫະພາບລັດເຊຍໃນປະຈຸບັນ