• 18 Mar

ສະເຫຼີມສະຫຼອງວັນທີ່ 8 ມີນາ ຢ່າງມີຍັນຍາກາດຝົດຝື້ນໂດຍພາຍໃຕ້ການເປັນປະທານຂອງ ທ່ານ ດຣ ນາງ ຜາສກ ວົງວິຈິດ ປະທານ ສະຫະພັນແມ່ຍິງ; ຮອງຫົວໜ້າກົມການແຜນການຮ່ວມມື ກະຊວງສາທາລະນະສຸກ ໂດຍໃຫ້ກຽດເປັນປະທານຮ່ວມ ຂອງ ທ່ານ ດຣ ນາງແສງຈ້ອຍ ປັນຍາວົງຄະນະປະຈຳພັກ,ຫົວໜ້າກົມຈັດຕັ້ງພະນັກງານ ກະຊວງສາທາລະນະສຸກ

ໃນພິທີສະເຫຼີມສະຫຼອງ ທີ່ມີຄວາມໝາຍສຳຄັນຄັ້ງນີ້ ເອື້ອຍນ້ອງແມ່ຍິງໄດ້ຮັບຊົມການສະແດງ ບົດຟ້ອນ ຂອງຫຼານນ້ອຍອະນຸບານ ກະຊວງສາທາລະນະສຸກ ແລະ ໄດ້ຮັບຟັງການເຜີນແຜ່ວຽກງານກຽ່ວກັບແມ່ຍິງຄື:

  • ປະຫວັດຄວາມເປັນມາຂອງວັນທີ 8 ມີນາ ວັນແມ່ຍິງສາກົນສະເໜີໂດຍ ທ່ານ ດຣ ນາງ ຜາສຸກ ວົງວິຈິດ ປະທານສະພັນແມ່ຍິງກະຊວງສາທາລະສຸກ;
  • ເຜີຍແຜ່ວຽກງານຕ້ານພະຍາດ HIV-AID ແລະ ພຕພ ສະເໜີໂດຍປະທານສະຫະພັນແມ່ຍິງ ໜ່ວຍສູນຕ້ານເອດ ແລະ ພຕພ ກະຊວງສາທາລະນະສຸກ;
  • ໃຫ້ຄວາມຮູ້ກ່ຽວກັບໂພສະນາການຂອງແມ່ແລະເດັກ ຄະນະສະຫະພັນແມ່ຍິງກະຊວງສາທາລະນະສຸກ

ພ້ອມນີ້ຍັງໄດ້ຮັບຟັງການໂອ້ລົມ ແລະ ປະກອບຄຳຄິດເຫັນໂດຍທ່ານ ດຣ ນາງ ແສງຈ້ອຍ ປັນຍາວົງ ຄະນະປະຈຳພັກ ກະຊວງສາທາລະນະສຸກ; ເຊິ່ງທ່ານໄດ້ເນັ້ນ ໃຫ້ເອື້ອຍນ້ອງແມ່ຍິງທຸກຄົນ ຈົ່ງສຶບຕໍ່ຮັກສາມູນເຊື້ອເຕົ້າໂຮມສາມັກຄີ ຕໍ່ສູ້ອັນພິລະອາດຫານ ສົ່ງເສີມ ແລະ ຜັນຂະຫຍາຍຮິດຄອງປະເພນີອັນດີງາມຂອງແມ່ຍິງລາວດ້ວຍການສຶກສາອົບຮົມລູກຫລານ ແລະ ເອື້ອຍນ້ອງແມ່ຍິງໃນກົມກອງຫຫ້ອງການຂອງຕົນໃຫ້ເຂົ້າໃຈ ແລະ ນຳໄປປະຕິບັດ; ເອົາໃຈໃສ່ຕັ້ງໜ້າປະກອບສ່ວນເຂົ້າໃນວຽກງານວິຊາສະເພາະຂອງຕົນ

ດ້ວຍຄວາມຮັບຜິດຊອບສູງ ພ້ອມທັງຮຳຮຽນຍົກລະດັບ ຄວາມຮູ້ທາງດ້ານວິຊາສະເພາະ,ພາສາ,ເຕັກນິກ ວິທະຍາສາດເພື່ອໃຫ້ແທ່ຍິງລາສສາມາດມີບົດບາດເທົ່າທຽບແມ່ຍິງສາກົນ ແລະ ເທົ່າທຽມຊາຍເພື່ອຮັບປະກັນທາງດ້ານຄຸນນະພາບ,ປະສິຕິພາບ,ການຈັດຕັ້ງເຂັ້ມແຂງສາມາດປະຕິບັດພາລະບົດບາດ, ສິດ ໜ້າທີ່, ພັນທະ ແລະ ຄວາມຮັບຜິດຊອບຂອງຕົນຢ່າງມີປະສິດຕິຜົນ ແນ່ໃສ່ພັດທະນາປົກປ້ອງສິດຜົນປະໂຫຍດ ອັນຊອບທຳຂອງສະມາຊິກສະຫະພັນແມ່ຍິງ ແລະ ແມ່ຍິງໃນບັນດາເຜົ່າທົ່ວປະເທດ. ດ້ວຍກການເຂົ້າຮ່ວມຢ່າງຕັ້ງໜ້າຂອງພັກລັດ, ອົງການຈັດຕັ້ງມະຫາຊົນ, ສັງຄົມ, ຄອບຄົວ ປະກອບສ່ວນເຂົ້າໃນພາລະກິດປົກປັກຮັກສາປະເທດຊາດແລະສ້າງສາພັດທະນາປະເທດຊາດ.