• 25 ມ.ນ

ລາວຕິດໂຄວິດເພີ່ມ 1 ຄົນ

ຖະແຫຼງຂ່າວຈາກໜ່ວຍສະເພາະກິດ ກະຊວງສາທາລະນະສຸກ ຕອນບ່າຍ 3 ໂມງມື້ນີ້ ວັນທີ 25 ມີນາ 2020 ໃຫ້ຮູ້ວ່າ

ລາວເຮົາມີຜູ້ຕິດເຊື້ອພະຍາດໂຄວິດ-19 ເພິ່ມອີກ 1 ຄົນ ເປັນເພດຊາຍ ອາຍຸ 26 ປີ. ກ່ອນການກວດພົບ ຜູ້ກ່ຽວໄດ້ໄປຮັບປະທານອາຫານນຳ ທ້າວ ສີລິສັກ ພະນັກງານການຕະຫຼາດຂອງໂຮງແຮມຄຣາວພລາຊ່າ ເຊິ່ງເປັນຜູ້ຕິດເຊື້ອໂຄວິດທີ່ໄດ້ລາຍງານໄປເມື່ອວານນີ້. ຜູ້ຕິດໃໝ່ ຊື່ ທ້າວ ເຈມບອນ ຢູ່ບ້ານຫ້ວຍຫ້ອມ, ເມືອງສີໂຄດຕະບອງ, ນະຄອນຫຼວງວຽງຈັນ. ຜູ້ກ່ຽວເປັນ 1 ໃນ 8 ຄົນທີ່ໄດ້ໃກ້ຊິດທ້າວ ສິລິສັກ ທີ່ໄດ້ເກັບຕົວຢ່າງມາວິເຄາະຫາເຊື້ອພະຍາດ ແຕ່ອີກ 7 ຄົນແມ່ນບໍ່ພົບເຊື້ອ. ສ່ວນຜູ້ໃກ້ຊິດກັບນາງ ກົງສິນ ອາຍຸ 36 ປີ ພະນັກງານນຳທ່ຽວ ທີ່ໄດ້ກວດພົບເຊື້ອມື້ວານນີ້ 8 ຄົນ ກໍໄດ້ເກັບຕົວຢ່າງເຂົ້າກວດແລ້ວ ແຕ່ຍັງລໍຖ້າຜົນກວດ. ປັດຈຸບັນພວກກ່ຽວແມ່ນຖືກແຍກປ່ຽວຢູ່ໂຮງໝໍແຂວງຫຼວງພະບາງ. ຈາກການຢືນຢັນດັ່ງກ່າວ ເຮັດໃຫ້ປະເທດລາວມີສະຖິຕິຜູ້ຕິດເຊື້ອໂຄວິດ19 ລວມ 3 ຄົນ ໃນປັດຈຸບັນ.