ຂ່າວ

  • 30 ພ.ຈ

ເພື່ອສືບຕໍ່ເນື່ອງມາຈາກກອງປະຊຸມວາງແຜນຄອບຄົວທົ່ວປະເທດຊື່ງໄດ້ຈັດຂື້ນໃນເດືອນຕຸລາຜ່ານມາທີ່ໄດ້ໃຫ້ຄຳໝັ້ນສັນຍາກັນວ່າຈະຕ້ອງເຮັດໃຫ້ອັດຕາການຄຸມກຳເນີດຢູ່ໃນ ສປປ ລາວ ຂອງເຮົາບັນລຸເປົ້າໝາຍໃຫ້ໄດ້ 65% (CPR) ໃນປີ 2025 ຊື່ງປະຈຸບັນຍັງຢູ່ 51% ສະນັ້ນຖືວ້່າເປັນສີ່ງທ້າທ້າຍພໍສົມຄວນເພື່ອຈະບັນລຸເປົ້າໝາຍດັ່ງກ່າວ, ເຖີງຢ່າງໃກກໍດີ ການທີ່ຈະບັນລຸໄດ້ນັ້ນ ກໍຮຽກຮ້ອງໃຫ້ທຸກພາກສ່ວນໃນສັງຄົມໄດ້ມີການຮ່ວມມືກັນເພື່ອກຸ່ມເປົ້າໝາຍໄດ້ເຂົ້າເຖີງການບໍລິການ ໂດຍສະເພາະແມ່ນກຸ່ມໄວໜຸ່ມລັດຖະບານລາວໄດ້ໃຫ້ຄຳໝັ້ນສັນຍາຕໍ່ກັບຂະບວນການວາງແຜນຄອບຄົວສາກົນປີ 2020 (FP2020) ເພື່ອປັບປຸງການເຂົ້າເຖີງຂໍ້ມູນ, ການໍລິການ ແລະ ຜະລິດຕະພັນການວາງແຜນຄອບຄົວແບບສະມັກໃຈສຳລັບແມ່ຍິງ, ຜູ້ຊາຍ ແລະ ໄວໜຸ່ມ. ນະໂຍບາຍສຸຂະພາບທາງເພດ, ສຸຂະພາບຈະເລີນພັນ, ສຸຂະພາບຂອງແມ່, ເດັກເກີດໃໝ່, ເດັກນ້ອຍ ແລະ ໄວໜຸ່ມສະບັບປັບປຸງ ( ປີ 2019 – 2030 ) , ໄດ້ສຸມໃສ່ການວາງແຜນຄອບຄົວຄືນໃໝ່ໃຫ້ກາຍເປັນການບໍລິການທີ່ຈຳເປັນພື້ນຖານ. ນະໂຍບາຍຍັງໄດ້ໃຫ້ຄຳໝັ້ນສັນຍາທີ່ຈະຂະຫຍາຍການບໍລິການຄອບຄົວໄປສູ່ລະດັບສຸກສາລາ ແລະ ບ້ານ ເພື່ອເພີ່ມການເຂົ້າເຖີງຂໍ້ມູນ ແລະ ການບໍລິການສຸຂະພາບຈະເລີນພັນສຳລັບໄວໜຸ່ມ, ໂດຍແນໃສ່ການເພີ່ມຈຳນວນແມ່ຍິງທີ່ນຳໃຊ້ການບໍລິການວາງແຜນຄອບຄົວ.

ດັ່ງນັ້ນ, ໃນວັນທີ 27 ພະຈິກ 2019 ຜ່ານມາ ກະຊວງສາທາລະນະສຸກ ສົມທົບກັບທາງອົງການ UNFPA ປະຈຳລາວ ໄດ້ຈັດກອງປະຊຸມສະໜັບສະໜູນວຽກງານສຸຂະພາບຈະເລີນພັນ ຂື້ນທີ່ ແຂວງຫຼວງພະບາງ. ໂດຍການເຂົ້າຮ່ວມເປັນປະທານຂອງທ່ານ ດຣ ພອນປະເສີດ ອຸນາພົມ ຮອງຫົວໜ້າກົມອະນາໄມ ແລະ ສົ່ງເສີມສຸຂະພາບ ກະຊວງສາທາລະນະສຸກ, ທ່ານ ນາງ Mariam A. Khan ຜູ້ຕາງໜ້າອົງການ UNFPA ປະຈຳ ສປປ ລາວ, ມີບັນດາຜູ້ແທນ 07 ແຂວງພາກເໜືອທີ່ມາຈາກ ສາທາລະນະສຸກ, ສຶກສາ, ແມ່ຍິງ, ຊາວໜຸ່ມ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ກອງປະຊຸມດັ່ງກ່າວໄດ້ຈັດຂື້ນເພື່ອໃຫ້ທຸກພາກສ່ວນຂອງສັງຄົມໄດ້ເຂົ້າໃຈຢ່າງຖືກຕ້ອງກ່ຽວກັບວຽກງານວາງແຜນຄອບຄົວ ແລະ ສະແດງຄວາມເປັນເຈົ້າການໃນການນຳເອົາວຍກງານດັ່ງກ່າວລົງໄປຜັນຂະຫຍາຍຢູ່ໃນຂົງເຂດຄວາມຮັບຜິດຊອບຂອງຕົນເອງ. ໂດຍສະເພາະບັນດາອົງການຈັດຕັ້ງມະຫາຊົນ, ສຶກສາ ຊື່ງແມ່ນພາກສ່ວນທີ່ເຮັດວຍກຢ່າງໃກ້ຊິດກັບກຸ່ມເປົ້າໝາຍໄວນຸ່ມ ເມື່ອເຂົາໄດ້ບໍລິໂພກຂໍ້ມູນຂ່າວສານທີ່ຖືກຕ້ອງ ແລະ ສາມາດເຂົ້າໄປການບໍລິການທີ່ເປັນມິດຈາກແພດໝໍເຂົາເຫລົ່ານັ້ນກໍ່ຈະລອດພົ້ນອອກຈາກຄວາມສ່ຽງຂອງການຖືພາໂດຍທີ່ບໍ່ໄດ້ຕັ້ງໃຈ ແລະ ການລຸລູກແບບຜິດກົດໝາຍຊື່ງຈະນຳມາເປັນຜົນກະທົບຕໍ່ຊີວິດ ແລະ ຊັບສິນຂອງປະຊາຊົນ.

  • 01 ມ.ນ

 

ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ໃຫ້ກຽດໂອ້ລົມຕໍ່ບັນດາພະນັກງານຫລັກແຫລ່ງຂອງ ກະຊວງ ສາທາລະນະສຸກ ເນື່ອງໃນໂອກາດປິດກອງປະຊຸມສະຫລຸບການຈັດຕັ້ງປະຕິບັດວຽກງານສາທາລະນະສຸກທົ່ວປະເທດປະຈຳປີ 2018 ແລະ ທິດທາງແຜນການປີ2019 ໃນວັນທີ 28 ກຸມພາ 2019 ນີ້

 

ເພື່ອເປັນເຂັມຊີ້ທິດເຍືອງທາງຕໍ່ທີ່ປະຊຸມເຊິ່ງກ່ອນອື່ນ ທ່ານໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານທີ່ກະຊວງສາທາລະນະສຸກ ສາມາດຍາດໄດ້ໃນໄລຍະທີ່ຜ່ານມາ ພ້ອມດຽວກັນນັ້ນທ່ານຍັງໄດ້ເນັ້ນໜັກໃຫ້ກະຊວງສາທາລະນະສຸກກ່ອນອື່ນໝົດຕ້ອງໄດ້ປັບປຸງພື້ນຖານໂຄງລ່າງ ອຸປະກອນການແພດ ແລະ ການບໍລິການຂອງໂຮງໝໍສູນກາງ ໂຮງໝໍແຂວງ ແລະ ສາທາລະນະສຸກຈໍານວນໜຶ່ງໃຫ້ມີຄຸນນະພາບ ແລະ ທັນສະໃໝຂຶ້ນກວ່າເກົ່າ ເອົາໃຈໃສ່ປ້ອງກັນ ແລະ ຄວບຄຸມພະຍາດທີ່ຮ້າຍແຮງເຊັ່ນ ໄຂ້ຍຸງລາຍ ຖອກທ້ອງ ແລະ ອັກເສບລະບົບຫາຍໃຈຮຸນແຮງ ແລະ ພະຍາດຕິດຕໍ່ອື່ນໆ 

 

 

ໄດ້ຂະຫຍາຍຕາໜ່າງການບໍລິການສາທາລະນະສຸກຮອດທ້ອງຖິ່ນຮາກຖານຊົນນະບົດ ແລະ ຫ່າງໄກສອກຫຼີກ ໄດ້ປະຕິບັດນະໂຍບາຍ 5 ດີ 1 ພໍໃຈ (5 ດີ ສະດວກດີ , ຮັບຕ້ອນດີ , ສະອາດດີ , ບົ່ງມະຕິດີ , ປິ່ນປົວດີ ແລະ 1 ພໍໃຈ ຜູ້ມາຮັບບໍລິການພໍໃຈຢ່າງມີປະສິດທິຜົນ ເຮັດໃຫ້ສາມາດແກ້ໄຂບັນຫາງສຽງສັງຄົມໃຫ້ຫຼຸດລົງ ເອົາໃຈໃສ່ຈັດຕັ້ງປະຕິບັດຍຸດທະສາດ ແມ່ ແລະ ເດັກແບບເຊື່ອມສານ ແລະ ປະຕິບັດນະໂຍບາຍເກີດລູກ ປິ່ນປົວເດັກນ້ອຍລຸ່ມ 5 ປີບໍ່ເສຍຄ່າເຮັດໃຫ້ອັດຕາການຕາຍຂອງແມ່ ແລະ ເດັກນ້ອຍລຸ່ມ 1 ປີຫຼຸດລົງ ອັດຕາການນໍາໃຊ້ນໍ້າສະອາດເພີ່ມຂຶ້ນ 83,9% ແລະ ວິດຖ່າຍເພີ່ມຂຶ້ນ 73% ອັດຕາເດັກຂາດສານອາຫານຊໍາເຮື້ອຫຼຸດລົງຍັງເຫຼືອ 33% ສະຫຼຸບແລ້ວ 10 ຄາດໝາຍທີ່ສະພາແຫ່ງຊາດຮັບຮອງກໍ່ໄດ້ຮັບການເອົາໃຈໃສ່ຈັດຕັ້ງປະຕິບັດເປັນຢ່າງດີ ແລະ ຫຼາຍຄາດໝາຍກໍ່ໄດ້ບັນລຸ 

 

 

ນີ້ເປັນພຽງສ່ວນໜຶ່ງຂອງຜົນງານທີ່ພວກສະຫາຍຍາດມາໄດ້ ເຊິ່ງພັກ ແລະ ລັດຖະບານໄດ້ຕີລາຄາສູງຕໍ່ຜົນສໍາເລັດດັ່ງກ່າວ ແຕ່ຍັງມີຫຼາຍບັນຫາທ້າທາຍທີ່ຕ້ອງໄດ້ພ້ອມກັນແກ້ໄຂເປັນຕົ້ນອັດຕາການຕາຍຂອງແມ່ ແລະ ເດັກນ້ອຍຖືວ່າຫຼຸດລົງຫຼາຍຖ້າສົມທຽບໃສ່ 10 ປີຜ່ານມາ.

 

 

ຜົນສໍາເລັດກອງປະຊຸມເທື່ອນີ້ ບັນດາສະຫາຍໄດ້ມາປຶກສາຫາລືກັນເພື່ອຊອກໃຫ້ເຫັນສິ່ງຄົງຄ້າງຜ່ານ
ມາເພື່ອພ້ອມກັນແກ້ໄຂ 10 ຕົວຊີ້ວັດທີ່ຍັງເຫັນວ່າເຮັດບໍ່ທັນໄດ້ ຕ້ອງໄດ້ເອົາໃຈໃສ່ຕື່ມ ສຸຂະພາບເຂັ້ມແຂງແມ່ນຄວາມຕ້ອງການທີ່ທຸກຄົນປາຖະໜາຢາກໄດ້ຢາກມີເໜືອສິ່ງອື່ນ ສໍາລັບການຂະຫຍາຍຕາໜ່າງຂອງຂະແໜງສາທາລະນະສຸກແມ່ນໃຫ້ເອົາມາດຕະການປ້ອງກັນໄປກ່ອນ ແລະ ເອົາການປິ່ນປົວຮັກສາໄປນໍາຖືເປັນການຍົກລະດັບຄວາມຮູ້-ຄວາມສາມາດໃຫ້ພະນັກງານແພດໝໍເພື່ອເປັນການສ້າງຄົນ ສ້າງນາຍແພດ ສ້າງພະຍາບານໃຫ້ດີຂຶ້ນນີ້ແມ່ນຄວາມຈໍາເປັນ 

 

 

ຢາກປ້ອງກັນໄດ້ອີກອັນໜຶ່ງຕ້ອງອົບຮົມຄວາມຮູ້ໃຫ້ແກ່ປະຊາຊົນໃຫ້ເຂົ້າໃຈເລື່ອງສຸຂະພາບໃຫ້ເລິກເຊິ່ງກວ້າງຂວາງ ນອກຈາກນັ້ນພວກເຮົາຕ້ອງຍາດແຍ່ງເອົາຄວາມຮູ້-ບົດຮຽນ ເອົາການຊ່ວຍເຫຼືອຈາກຕ່າງປະເທດໃຫ້ຫຼາຍ ຢາກໃຫ້ມີການກວດກາຄືນ 5 ດີເຮົາສາມາດເຮັດໄດ້ຈັກຂໍ້ແລ້ວ ເຮົາຈະປັບປຸງສຸກສາລາ ໂຮງໝໍເມືອງ-ໂຮງໝໍແຂວງເພື່ອເຮັດໜ້າທີ່ບໍລິການປິ່ນປົວໃຫ້ມັນດີຂຶ້ນ ສ້າງຈັນຍາບັນ ຈັນຍາທໍາໃຫ້ພະນັກງານແພດໝໍໃຫ້ດີຂຶ້ນ ແລະ ເປັນທີ່ຍອມຮັບຂອງປະຊາຊົນ ໃຫ້ເອົາໃຈໃສ່ແທ້ເລື່ອງການອົບຮົມຈັນຍາບັນ-ຈັນຍາທໍາຂອງພະນັກງານແພດໝໍໃຫ້ດີຂຶ້ນ ແລະ ອື່ນໆ.

 

  • 08 ພ.ຈ

 

ວັນໂລກເປັນພະຍາດຕິດແປດ ແລະ ຍັງເປັນບັນຫາສຳຄັນໃນຂົງເຂດວຽກງານສາທາລະນະສຸກ. ຕາມຂໍ້ມູນທີ່ໄດ້ຮັບຈາກສູນຄວບຄຸມວັນນະໂລກ ແລະ ອົງການອານາໄມໂລກເຫັນໄດ້ວ່າ: ດ້ານລະບາດວິທະຍາວັນນະໂລກໃນ ສປປລາວ ປີ 2017, ມີການຄາດຄະເນການເກີດເປັນວັນນະໂລກໃໝ່ (Incidence) 168/100,000 ຄົນ (ປະມານ 12,000 ຄົນ), ຈຳນວນຄົນຕາຍຍ້ອນວັນນະໂລກ 41/100,000 ຄົນ (ປະມານ 3,000 ຄົນ). ອັດຕາການຊອກຄົ້ນຫລືຄົ້ນພົບກໍລະນີຍັງເຫັນວ່າຕ່ຳເມື່ອທຽບໃສ່ອັດຕາຄວາມຊຸກຊູມແລ້ວເຫັນວ່າໄດ້ພຽງ 50 ເປີເຊັນເທົ່ານັ້ນ (2017), ເຫັນໄດ້ວ່າຍັງມີກໍລະນີວັນນະໂລກຈຳນວນຫລາຍທີ່ຍັງລີ້ຊ່ອນຢູ່ໃນຊູມຊົນບໍ່ໄດ້ຖືກບົ່ງມະຕິ ແລະ ຮັບການປິ່ນປົວ. ປັດໃຈສຳຄັນກວ່າໝູ່ທີ່ກໍ່ໃຫ້ເກີດເປັນພະຍາດດັ່ງກ່າວນີ້ຫຼາຍ ກໍ່ແມ່ນຄວາມທຸກຍາກ ຊຶ່ງຄົນສ່ວນໃຫຍ່ຈະຢູ່ໃນກຸ່ມອາຍຸ 15 – 55 ປີ, ເຊິ່ງເປັນໄລຍະກຳລັງທຳການຜະລິດ ແລະ ເປັນຜູ້ຊາຍຫຼາຍກວ່າຜູ້ຍິງ 2 ຕໍ່ 1 ແລະ ເປັນຜົນກະທົບຕໍ່ເສດຖະກິດຄອບຄົວ ແລະ ສັງຄົມໜັກສົມຄວນ.

 

 

ດັ່ງນັ້ນ, ໃນວັນທີ 7 ພະຈິກ 2018 ນີ້ ສູນຄວບຄຸມວັນນະໂລກ ກະຊວງສາທາລະນະສຸກ ຈຶ່ງໄດ້ຈັດກອງປະຊູມສະຫລຸບການເຄື່ອນໄຫວວຽກງານຄວບຄຸມວັນນະໂລກ ປະຈຳປີ 2017 ແລະ ຄວາມຄືບໜ້າ 6 ເດືອນຕົ້ນປີ 2018 ຂອງແຂວງພາກກາງ ແລະ ໂຮງໝໍສູນກາງຂື້ນທີ່ຫ້ອງປະຊຸມ ນາປາກວາງ, ແຂວງວຽງຈັນ.

 

 

ກອງປະຊຸຸມດັ່ງກ່າວ ຈະໄດ້ຈັດຂື້ນເປັນເວລາ 3 ວັນ ແຕ່ວັນທີ 7 ຫາ 9 ພະຈິກ 2018 ໃຫ້ກຽດເປັນປະທານກອງປະຊຸມໂດຍ ທ່ານ ຄຳພອນ ພຸດທະວົງ ເລຂາຄະນະພັກກະຊວງ ຮອງລັດຖະມົນຕີກະຊວງສາທາລະນະສຸກ , ທ່ານ ດຣ ຄຳເພັດ ມະນີວົງ ຫົວໜ້າກົມແຜນການ ແລະ ຮ່ວມມື,​ ທ່ານ ດຣ ລັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ແລະ ດຣ ນາງ ພອນນາລີ ຈິດຕະມະນີ ຫົວໜ້າສູນຄວບຄຸມວັນນະໂລກ ພ້ອມດ້ວຍຜູ້ເຂົ້າຮ່ວມ ມາຈາກ ຫ້ອງການກະຊວງ, ກົມ, 6 ໂຮງໝໍສູນກາງ,​ ຜູ້ແທນສະພາແຫ່ງຊາດ,​ ຜູ້ແທນສະມາຊິກສະພາແຂວງ,​ ຜູ້ເຂົ້າຮ່ວມຈາກພະແນກສາທາລະນະແຂວງຄຳມ່ວນ,​ ບໍລິຄຳໄຊ,​ ໄຊສົມບູນ, ຜູ້ຕາງໜ້າຈາກຫ້ອງການກອງທືນໂລກ,​ ຄູ່ຮ່ວມພັດທະນາ,​ ຜູ້ປະສານງານຈາກອົງການອະນາໄມໂລກ ແລະ ບັນດາວິຊາການຄວບຄຸມວັນນະໂລກທີ່ກ່ຽວຂ້ອງເຂົ້າຮ່ວມທັງໝົດ ຈຳນວນ 50 ກວ່າທ່ານ.

 

 

ຈຸດປະສົງກໍ່ເພື່ອແລກປຽນບົດຮຽນສະຫຼຸບການເຄື່ອນໄຫວວຽກງານຄວບຄຸມວັນນະໂລກໃນປີ 2017 , ຄວາມຄືບໜ້າປີ 2018 ແລະ ວາງແຜນ ປີ 2019 .ເພື່ອຂໍການສະໜັບສະໜຸນນຳຜູ້ແທນສະມາຊິກສະພາແຂວງ ແລະ ທ້ອງຖີ່ນກະຕຸກຊຸກຍູ້ຊ່ວຍວຽກງານຄວບຄຸມວັນນະໂລກ ແລະ ແຜນການສືບຕໍ່ຈັດຕັ້ງປະຕິບັດການເຄືອນໄຫວວຽກງານຄວບຄຸມວັນນະໂລກປີ 2019.

  • 07 ກ.ພ

 

ປີ 2018 ແມ່ນປິກາງໄໝ ຂອງການຈັດຕັ້ງປະຕິບັດ ແຜນການປະຕິຮູບຂອງຂະແໜງສາທາລະນະສຸກໄລຍະທີ II (2016 ຮອດ 2020) ຊຶ່ງແຜນດັ່ງກ່າວ ໄດ້ຖືກຮັບຮອງໂດຍ ສະພາແຫ່ງຊາດ ໃນວັນທີ 20 ມັງກອນ 2014 ຊຶ່ງແບ່ງເປັນໄລຍະ: ໄລຍະທີໜຶ່ງ (2013-2015) ທີ່ຜ່ານໄປແລ້ວ ໂດຍເລັ່ງໃສ່ເພື່ອບັນລຸເປົ້າໝາຍສະຫວັດສະຫວັດເພື່ອການພັດທະນາ (MDG); ໄລຍະສອງ (2016-2020) ນີ້ ແມ່ນເພື່ອຍົກສູງຄຸນນະພາບການບໍລິການ ໃຫ້ທຸກຄົນໄດ້ເຂົ້າເຖິງ ຊົມໃຊ້ການບໍລິການ; ແລະ ໄລຍະທີສາມ (2021-2025) ເພື່ອບັນລຸການປົກຄຸມສຸຂະພາບທຸກຖ້ວນໜ້າ (UHG) ແລະ ກໍມີ ວິໃສທັດຮອດປີ 2030 ແນ່ໃສໃຫ້ບັນລຸ ບັນດາຄາດໝາຍການພັດທະນາທີ່ຢືນຍົງ (SDGs).

 

 

ດັ່ງນັ້ນ ໃນອາທິດຜ່ານມາຈຶ່ງໄດ້ມີກອງປະຊຸມສະຫລຸບວຽກງານການເງີນແລະປະກັນສຸຂະພາບປະຈຳປີ 2018 ແລະ ທິດທາງແຜນການ ປີ 2019 ຂອງຂະແໜງສາທາລະນະສຸກຂື້ນທີ່ສູນຝຶກອົບຮົບ ICTC ນະຄອນຫຼອງວຽງຈັນ ພາຍໃຕ້ການເປັນປະທານ ຂອງທ່ານ ຣສ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ມີທ່ານ ຮອງລັດຖະມົນຕີ, ຮອງກ່າມາທິການ ສະພາແຫ່ງຊາດ, ຮອງເຈົ້າແຂວງ, ປະທານສະພາປະຊາຊົນແຂວງ ແລະ ແຜນງານ ການງີນສາທະລະນະສຸກ ໂດຍມີ ກົມການເງີນ, ຫ້ອງການປະກັນສຸຂະພາບແຫ່ງຊາດ ແລະ ທຸກພາກສ່ວານທີ່ກ່ຽວຂ້ອງເຂົ້າຮ່ວມ.

 

 

ກອງປະຊຸມໃນຄັ້ງນີ້ ມີຄວາມສຳຄັນຫຼາຍ ແລະ ເປັນໂອກາດດີ ທີ່ຈະໄດ້ພ້ອມກັນ ສະຫຼຸບຕີລາຄາ ແລະ ຖອດຖອນບົດຮຽນຈາກ ການຈັດຕັ້ງປະຕິບັດແຜນປະຕິຮູບດ້ານການເງີນສາທາລະນະສຸກ, ກອງຄຸ້ມຄອງແລະຈັດຕັ້ງປະຕິບັດງົບປະມານ ລວມທັງການຄຸ້ມຄອງເງີນຈາກລາຍຮັບຄ່າບໍລິການວິຊາການ ໃນປີ 2018 ຜ່ານມາ, ມີກົນໄກ9ວິທີການຈັດຕັ້ງປະຕິບັດ ແຜນງົບປະມານໃນປີ 2019 ທີ່ດີກວ່າ

 

 

ເພື່ອຕອບສະໜອງແຫຼ່ງທຶນ ຈັດຕັ້ງປະຕິບັດ ບັນດາວຽກງານບຸລິມະສິດອັນແທ້ຈິງ ໂດຍ ເນັ້ນໃສ່ 10 ຕົວຊີ້ວັດທີໄດ້ຜ່ານການຮັບຮອງຈາກ ສະພາແຫ່ງຊາດ ແລະຕົວຊີ້ວັດສະເພາະຂອງທ້ອງຖີ່ນ ທີ່ໄດ້ຜ່ານການຮັບຮຮອງຈາກ ສະພາປະຊາຊົນແຂວງ-ນະຄອນຫຼວງ.