ຂ່າວ

  • 27 ກ.ຍ

 

ວຽກ​ງານ​ປະກັນ​ສຸຂະພາບ ​ແລະ ການ​ຫັນ​ໂຮງໝໍ​ກຸ້ມ​ຕົນ​ເອງ ​ແມ່ນ​ນະ​ໂຍບາຍ​ທີ່​ສຳຄັນ​ຫຼາຍ ຂອງ​ລັດຖະບານ​ກໍ່​ຄື​ຂອງ ຂະ​ແໜງ​ສາທາລະນະ​ສຸກ ​ເພາະ​ມັນ​ເປັນ​ປັດ​ໃຈ​ຕົ້ນຕໍ ​ເພື່ອ​ບັນລຸ​ການ​ປົກ​ຄຸມປະກັນ​ສຸຂະພາບ ​ແລະ ການ​ເຂົ້າ​ເທີ​ງການ​ບໍລິການ​ສຸຂະພາບທົ່ວ​ປວງ​ຊົນ ຢ່າງ​ມີ​ຄຸນ​ນະພາ​ບ ​ແລະ ​ເປັນ​ທຳຊື່​ງຫຼາຍ​ປະ​ເທດ ກໍ່​ບັນລຸ​ຫຼາຍ​ກ່ວາ 95% ​ແລະ ຫຼາຍ​ປະ​ເທດ​ພວມ​ສຸ້ຊົນ​ໃຫ້​ບັນລຸ​ຮອດ​ປີ 2030 ສຳ​ລັບ ສປປ ລາວ ​ໄດ້​ວາງ​ເປົ້າ​ໝາຍ​ໃຫ້​ບັນລຸ​ໃນ​ປີ 2025.

 

 

ໃນ​ໄລຍະ​ຜ່ານ​ມາ​ຢູ່ ສປປ ລາວ ​ໄດ້​ສ້າງ​ຕັ້ງ​ຫຼາຍ​ກອງ​ທຶນ​ປະກັນ​ສຸຂະພາບ​ມີ​ທັງ: ພາກ​ລັດ, ພາກ​ວິ​ສາ​ຫະກິດ, ພາກ​ປະຊາຊົນ, ຜູ້​ທຸກ​ຍາກ ​ແລະ ​ແມ່​ແລະ​ເດັກ ​ໃນ​ປະຈຸ​ບັນ​ກອງ​ທຶນ​ປະກັນ​ສຸຂະພາບ​ແຫ່ງ​ຊາດ​ໄດ້​ເຕົ້າ​ໂຮມ​ເອົາ​ບັນດາ​ກອງ​ທຶນ​ປະກັນ​ສຸຂະພາບ​ຕ່າງໆ ື່ກະຊວງ​ສາທາລະນະ​ສຸກ​ຄຸ້ມ​ຄອງ​ເຂົ້າກັນ​ຕື່ມ​ເພື່ອ​ເຮັດ​ໃຫ້ການ​ຄຸ້ມ​ຄອງ​ກອງ​ທຶນ​ທີ່​ມີ​ກົນ​ໄກ​ແຕກ​ຕ່າງ​ກັນ​ໃຫ້​ມີ​ຕວາ​ມ​ເປັນ​​ເອກະ​ພາບ, ຜົນ​ປະ​ໂຫຍ​ດ​ໃຫ້​ມີ​ມາດຕາ​ຖານ​ດຽວ​ກັນ ​ເທົ່າ​ທຽມ​ກັນ ​ແລະ ​ໃຫ​ເກ​ອງທຶນ​ໃຫ່ຍຂື້ນ​ມີ​ຄວາມ​ແຂງ​ແຮງ ​ແລະ ສາມາດ​ສະ​ເລ່ຍຄວາມ​ສ່ຽງ​ໃຫ້​ກ້ວາງ​ອອກ.

ການ​ຫັນ​ໂຮງໝໍ​ໃຫ້​ກຸ້ມ​ຕົນ​ເອງ ຕິດ​ພັນ​ກັບ​ວຽກ​ງານ​ປະກັນ​ສຸຂະພາບ ​ເປັນ​ບັນຫານື່ງທີ່​ສຳຄັນ​ເພື່ອ​ຜົນ​ຂະຫຍາຍ​ຈັດ​ຕັ້ງປະຕິບັດ​ນະ​ໂຍບາຍ 5 ດີ 1 ພໍ​ໃຈ ກໍ​ຄື​ແຈ້ງ​ການ 619 ຂອງ​ຫ້ອງ​ວ່າການ​ສູນ​ກາງ​ພັກ ​ໃນ​ປີ 2007. ​ຫຼາຍ ໆ ປະ​ເທດ​ໄດ້​ຫັນ​ໂຮງໝໍ​ກຸ້ມ​ຕົນ​ເອງ ຕິດ​ພັນ​ກັບ​ວຽກງານ​ປະກັນ​ສຸຂະພາບ ​ໂດຍ​ສະ​ເພາະ​ແມ່ນ​ປະ​ເທດ​ເພື່ອນ​ມິດ​ຍຸດ​ທະ​ສາດ ​ແລະ ປະ​ເທດ​ອ້ອມ​ຂ້າງ​ໄດ້​ຈັດ​ຕັ້ງ​ປະຕິບັດ​ມາ​ຫຼາຍ​ປີ ຊື່​ງ​ໄດ້​ຮັບ​ໝາກຜົນ​ດີ​ສົມຄວນ​ເປັນ​ຕົ້ນ​ການ​ພັດທະນາ​ໂຮງໝໍ​ໃຫ້​ທັນ​ສະ​ໃໝ ​ແລະ ຄຸນ​ນະພາບບໍລິການ​ໄດ້​ພົ້ນ​ເດັ່ນ​ຂື້ນ​ທັງ​ສາມາດ​ຫຼຸດຜ່ອນ​ການ​ເພີ່ງ​ພາ​​ແຕ່​ງົບປະມານ​ຂອງ ລັດຖະບານ ຢ່າງ​ດຽວ.

 

 

ດັ່ງ​ນັ້ນ ​ໃນ​ວັນ​ທີ 25 ກັນຍາ 2018 ຜ່ານ​ມາ ຈື່ງ​ໄດ້​ມີ​​ກອງ​ປະຊຸ​ມ​ແລກປ່ຽນ​ບົດຮຽນ​ວຽກ​ງານປະກັນສຸຂະພາບ ແລະ ການຫັນໂຮງໝໍກຸ້ມຕົນເອງຂື້ນ ທີ່ ​ໂຮງ​ແຮມ ​ເມືອງ​ແທ໋ງ ​ໂດຍ​ການ​ເປັນ​ປະທານ​ຂອງ​ທ່ານ ຄຳ​ພອນ ພຸດ​ທະ​ວົງ ຮອງ​ລັດຖະມົນຕີ​ກະຊວງ​ສາທາລະນະ​ສຸກ ສປປ ລາວ, ມີ ທ່ານ ຮສ ດຣ ຟາ​ມ​ເລ​ຕວນ ຮອງ​ລັດຖະມົນຕີ​ກະຊວງ​ສາທາ​ລະ​ສຸກ ສສ ຫວຽດນາມ ພ້ອມ​ດ້ວຍ​ຄະນະ​ກົມ​ກອງ, ​ໂຮງໝໍ​ສູນ​ກາງ​ອ້ອມ​ຂ້າງ​ກະຊວງ​ຜດ ບັນດາ​ຜູ້ຕາງໜ້າ​ກະຊວງ, ຂະ​ແໜງ​ການ​ຕ່າງໆ​ອ້ອມ​ຂ້າງ​ສູນ​ກາງ, ຫົວໜ້າ​ພະ​ແນ​ກສາທາລະນະ​ສຸກ ​ແລະ ອຳນວຍ​ການ​​ໂຮງໝໍ​ແຂວງ​ກໍ່​ໄດ້​ເຂົ້າ​ຮ່ວມ

ຈຸດປະສົງ​ກໍ່​ເພື່ອສົນທະນາ​ປຶກສາ​ຫາລື​​ແລກປ່ຽນ​ບົດຮຽນຢ່າງ​ລະອຽດ, ​ເປັນຄວາມ​ຮູ້​ພື້ນຖານ​ເພື່ອ​ຄົ້ນ​ຄ້ວາ​ພັດທະ ນາການ​ຫັນ​ໂຮງໝໍ​ກຸ້ມ​ຕົນ​ເອງ​ຕິດ​ພັນ​ກັບ​ວຽກ​ງານ​ປະກັນ​ສຸຂະພາບ​​ໃຫ້​ປະກົດ​ຜົນ​ເປັນ​ຈີ​ງ ​ແລະ ກໍ່ເພື່ອ​ເພີ່ມ​ທະວີ​ການ​ພົວພັນ​ຮ່ວມ​ມື​ໃນ​ວຽກ​ງານ​ສາທາລະນະ​ສຸກ ​ໂດຍ​ສະ​ເພາະ​ແມ່ນ​ການ​ປັບປຸງ​ກົນ​ໄກ​ການ​ຄຸ້ມ​ຄອງ​ການ​ເງິນ. ຄຸນ​ນະພາ​ບການ​ບໍລິການ​ຂອງ​ບັນດາໂຮງໝໍຂັ້ນ​ຕ່າງໆໃຫ້​ດີ​ຂື້ນ​ເພື່ອ​ຕອບ​ສະໜອງ​ຄວາມ​ຮຽກຮ້ອງຕ້ອງການ​ຂອງ​ປະຊາຊົນ ບັນດາ​ເຜົ່າ ທີ່​ນັບ​ມື້​ນັບ​ສູງ​ຂື້ນ​ຢ່າ​ງ​ໄວວາ ກ່ຽວ​ກັບ​ຄຸນນະພາບ​ການ​ບໍລິການ.

  • 27 ກ.ພ

 

ພາຍໃຕ້ການເປັນປະທານຂອງທ່ານ ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກ ມີບັນດາຮອງລັດຖະມົນຕີ ເຈົ້າແຂວງ ຮອງເຈົ້າແຂວງ ຫົວໜ້າກົມ ອະທິການບໍດີ ຄະນະບໍດີ ອໍານວຍການໂຮງໝໍ ຫົວໜ້າພະແນກແຂວງ ນະຄອນຫຼວງ ແລະ ແຂກຖືກເຊີນກ່ຽວຂ້ອງເຂົ້າຮ່ວມ.

 

 

ທ່ານ ບຸນກອງ ສີຫາວົງ ກ່າວວ່າ: ເພື່ອຜັນຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ ທີ່ຖືເອົາວຽກງານກັນພະຍາດ ແລະ ສົ່ງເສີມສຸຂະພາບເປັນວຽກງານສໍາຄັນ ແລະ ຖືເອົາການບໍລິການປິ່ນປົວທີ່ມີຄຸນນະພາບ ທົ່ວເຖິງ ແລະ ເປັນທໍາເປັນວຽກງານຕົ້ນຕໍ ກໍຄືສູ້ຊົນປະຕິບັດ 10 ຕົວຊີ້ວັດໃຫ້ສາມາດບັນລຸໄດ້ຕາມຄາດໝາຍທີ່ວາງໄວ້ ແລະ ຮັບປະກັນໃຫ້ປະຊາຊົນບັນດາເຜົ່າ ໄດ້ເຂົ້າເຖິງການບໍລິການທີ່ມີຄຸນນະພາບໄດ້ຢ່າງທົ່ວເຖິງ ແລະ ຍຸຕິທໍາ ໃນປີ 2018 ຜ່ານມາຂະແໜງສາທາລະນະສຸກ ໄດ້ຜັນຂະຫຍາຍ ແລະ ຈັດຕັ້ງປະຕິບັດ ແຜນພັດທະນາສາທາລະນະສຸກ ປະຈໍາປີ 2018 ຕາມ 8 ແຜນງານ 42 ແຜນງານຍ່ອຍ ແລະ 97 ໂຄງການ ຕາມກອບຍຸດທະສາດ ປະຕິຮູບສາທາລະນະສຸກ ໄລຍະ II ທີ່ສຸມໃສ່ປະຕິຮູບວຽກງານສາທາລະນະສຸກ ໃນ 5 ດ້ານ ດ້ານຊັບພະຍາກອນມຸດ ດ້ານບໍລິການຄຸ້ມຄອງ ດ້ານການເງິນສາທາລະນະສຸກ ດ້ານການບໍລິການສາທາລະນະສຸກ ດ້ານຂໍ້ມູນຂ່າວສານສາທາລະນະສຸກ ພ້ອມທັງປະຕິບັດຫຼາຍມາດຕະການ ນະໂຍບາຍເຮັດໃຫ້ການຈັດຕັ້ງປະຕິບັດ 10 ຕົວຊີ້ວັດ ທີ່ສະພາແຫ່ງຊາດໄດ້ຮັບຮອງໃຫ້ກະຊວງສາທາລະນະສຸກ ຈັດຕັ້ງປະຕິບັດ ມີຫຼາຍຕົວຊີ້ວັດກໍ່ມີຄວາມຄືບໜ້າເປັນທີ່ໜ້າພໍໃຈ ເຊັ່ນ: ອັດຕາເດັກນ້ອຍລຸ່ມ 5 ປີ ທີ່ມີລວງສູງບໍ່ໄດ້ມາດຕະຖານ ອັດຕາການຕາຍຂອງເດັກນ້ອຍລຸ່ມ 5 ປີ ອັດຕາສ່ວນການຕາຍຂອງແມ່ ອັດຕາປົກຄຸມປະກັນສຸຂະພາບ ພ້ອມດຽວກັນ ກໍມີຫຼາຍຕົວຊີ້ວັດມີແນວໂນ້ມທີ່ຈະບໍ່ສາມາດບັນລຸໄດ້.

 

 

ໂອກາດດັ່ງກ່າວທ່ານ ຝຸ່ນຄໍາ ລັດຕະນະວົງ ຮອງຫົວໜ້າກົມແຜນການ ແລະ ການຮ່ວມມື ໄດ້ລາຍງານບົດສະຫຼຸບປະຈໍາປີ 2018 ແລະ ທິດທາງແຜນການ ປີ 2019 ໃຫ້ຮູ້ໃນບາງຕອນສໍາຄັນວ່າ: ສໍາລັບອັດຕາສ່ວນຕົວຊີ້ວັດທີ່ສາມາດບັນລຸໄດ້ ໃນປີ 2018 ແມ່ນມີ 5 ອັດຕາສ່ວນຄື: ອັດຕາສ່ວນຂອງເດັກລຸ່ມ 5 ປີລວງສູງບໍ່ໄດ້ມາດຕະຖານ ໃນປີ 2011 ຂາດສານອາຫານຊໍ່າເຮື້ອ 44% ປີ 2017 ຍັງເຫຼືອ 33% ຄາດໝາຍປີ 2018 ແມ່ນ 33,2% ສາມາດບັນລຸໄດ້ ການຕາຍຂອງເດັກລຸ່ມ 5 ປີ ຫຼຸດລົງຈາກ 79/1.000 ໃນປີ 2012 ມາເປັນ 46/1.000 ໃນປີ 2017 ຄາດໝາຍ 2018 ແມ່ນ 51.000 ສາມາດບັນລຸໄດ້ ອັດຕາສ່ວນຕາຍຂອງແມ່ ຕາມການສໍາຫຼວດ ປີ 2005 ທຽບໃສ່ປີ 2017 ເຫັນວ່າອັດຕາສ່ວນຫຼຸດລົງ 357 ສ່ວນແສນ ມາເປັນ 206/100.000 ເຊິ່ງຕົວເລກລາຍງານປົກກະຕິຈາກ 18 ແຂວງຈຳນວນການຕາຍຂອງແມ່ ໃນປີ 2017 ໄດ້ຫຼຸດລົງ 151 ຄົນ ແລະ ປີ 2018 ມີພຽງ 129 ຄົນ ການຊົມໃຊ່ວິດຖ່າຍໃນປີ 2012 ເພີ່ມຂຶ້ນຈາກ 56,9% ປີ 2017 ມາເປັນ 73,8% ຄາດໝາຍ 2018 ແມ່ນ 73% ຖືວ່າບັນລຸໄດ້ ການປົກຄຸມການປະກັນສຸຂະພາບ ປີ 2017 ເພີ່ມຂຶ້ນ 71% ປີ 2018 ມາເປັນ 75% ບັນລຸໄດ້ ສ່ວນຕົວຊີ້ວັດທີ່ຍັງບໍ່ທັນສາມາດບັນລຸ ປີ 2018 ອັດຕາເດັກນ້ອຍລຸ່ມ 5 ປີ ທີ່ມີນໍ້າໜັກຕໍ່ກວ່າມາດຕະຖານ ຫຼຸດລົງຈາກ 27% ໃນປີ 2012 ຍັງເຫຼືອ 21,1% ປີ 2017 ຄາດໝາຍປີ 2018 ແມ່ນ 21% ເກືອບບັນລຸ ຕ້ອງສືບຕໍ່ສູ້ຊົນ ການເກີດລູກມີແພດຊ່ວຍຫຼຸດຫຼົງຈາກ 41,5% ໃນປີ 2012 ມາເປັນ 64,4% ໃນປີ 2017 ຄາດໝາຍປີ 2018 ຄາດໝາຍ ປີ 2018 ແມ່ນ 74% ການສັກຢາກັນພະຍາດຂໍ້ມູນລາຍງານຈາກ DHIS2 ປີ 2017 DPT3 83% ຄາດໝາຍ 2018 ແມ່ນ 90% ແຕ່ການລາຍງານໄດ້ພຽງແຕ່ 84% ການຊົມໃຊ້ນໍ້າສະອາດ ເພີ່ມຂຶ້ມຈາກ 69,9% ປີ 2012 ມາເປັນ 83,9% ປີ 2017 ຄາດໝາຍປີ 2018 ແມ່ນ 88% ຈຶ່ງຖືວ່າຍັງບໍ່ທັນບັນບຸເທື່ອ.

  • 17 ກ.ຍ

 

ໃນຕອນເຊົ້າຂອງວັນທີ 8/9/2019 ຢູ່ທີ່ກະຊວງສາທາລະນະສຸກ ທ່ານ ຮສ ດຣ. ບຸນກອງ ສີຫາວົງ ລັດຖະມົນຕີກະຊວງສາທາ ລະນະສຸກ, ທ່ານ ຄຳພອນ ພຸດທະວົງ ຮອງລັດຖະມົນຕີກະຊວງສາທາລະນະສຸກ ພ້ອມດ້ວຍຄະນະກົມ ຂອງກະຊວງສາທາລະນະສຸກ ໄດ້ສົ່ງທີມງານວິຊາການຂອງກະຊວງສາທາລະນະສຸກ ລົງໄປແຂວງສາລະວັນ ເພື່ອຊ່ວຍຜູ້ປະສົບໄພນ້ຳຖ້ວມ. ທີມງານວິຊາການຈາກກະຊວງສາທາລະນະສຸກທີ່ລົງໄປຊ່ວຍແຂວງສາລະວັນໃນຄັ້ງນີ້ ແມ່ນຈະໄດ້ ໄປຊ່ວຍສະໜັບສະໜູນທີມແພດຂອງແຂວງສາລະວັນ ໃນການເບິ່ງແຍງສຸຂະພາບ ຂອງຜູ້ປະສົບໄພນ້ຳ ຖ້ວມທີ່ມາອາໄສຢູ່ຈຸດພັກເຊົາຊົ່ວຄາວຕ່າງໝຂອງແຂວງ ໂດຍສະເພາະແມ່ນ ເມືອງຄົງເຊໂດນ ເພາະເປັນ ເມືອງທີ່ໄດ້ຮັບຜົນກະທົບໜັກກ່ອນໝູ່ໃນບັນດາເມືອງທີ່ຖືກນ້ຳຖ້ວມຂອງແຂວງສາລະວັນ; ປະເມີນບັນຫາ ທີ່ຈະມີຜົນກະທົບຕໍ່ສຸຂະພາບຂອງປະຊາຊົນຢູ່ເຂດນ້ຳຖ້ວມ ຍ້ອນພະຍາດທີ່ຈະເກີດຂຶ້ນໄລຍະນ້ຳຖ້ວມ ແລະ ພາຍຫຼັງນ້ຳຖ້ວມ ເພື່ອຊອກຫາວິທີແກ້ໃຫ້ທ່ວງທັນເວລາ; ປະເມີນຄວາມເສຍຫາຍຂອງໂຮງໝໍເມືອງ ແລະ ສຸກສາລາຕ່າງໆ ທີ່ຖືກນ້ຳຖ້ວມ ເພື່ອຫາວິທີແກ້ໄຂໃຫ້ບັນດາສາຖານທີ່ບໍລິການສຸຂະພາບດັ່ງກ່າວ ສາມາດກັບມາບໍລິການສຸຂະພາບຂອງຄົນໃຫ້ໄດ້ໂດຍໄວ. ພ້ອມດຽວກັນກັບການສົ່ງທີມແພດລົງຊ່ວຍແຂວງສາລະວັນໃນຄັ້ງນີ້ ທາງກະຊວງສາທາລະນະສຸກ ຍັງໄດ້ນຳສົ່ງຢາທີ່ຈຳເປັນ ແລະ ມຸ້ງຍ້ອມຢາຈຳນວນໜຶ່ງໄປໃຫ້ແຂວງ ເພື່ອຊ່ວຍຮັບໃຊ້ເຂົ້າໃນການບໍລິການ ສຸຂະພາບໃຫ້ແກ່ຜູ້ປະສົບໄພນ້ຳຖ້ວມໃນຄັ້ງນີ້.

  • 14 ກ.ພ

 

ກະຊວງສາທາລະນະສຸກ ຈັດກອງປະຊຸມ ແລະ ຜັນຂະຫຍາຍມະຕິ 7 ສະໄໝທີ X ຂອງສູນກາງພັກ ໃຫ້ພະນັກງານການນຳ ແລະ ພະນັກງານຫຼັກແຫຼ່ງອ້ອມຂ້າງກະຊວງ ຊຸດທີ I ຂື້ນວັນທີ 30 ມັງກອນ 2019 ຢູ່ຫ້ອງປະຊຸມໂຮງໝໍ ມິດຕະພາບ (150 ຕຽງ) ໂດຍເປັນປະທານຂອງທ່ານ ຄຳພອນ ພຸດທະວົງ ເລຂາຄະນະພັກກະຊວງ ຮອງລັດຖະມົນຕີກະຊວງສາທາລະນະສຸກ, ທ່ານ ຮສ ດຣ ບຸນກອງສີຫາວົງ ຮອງເລຂາຄະນະພັກກະຊວງ ລັດຖະມົນຕີກະຊວງສາທາລະນະສຸກ ມີບັນດາຄະນະພັກຮາກຖານ ຄະນະໜ່ວຍພັກ ຄະນະກົມ ພະແນກ ແລະ ພາກສ່ວນກ່ຽວຂ້ອງເຂົ້າຮ່ວມ.

 

 

 ຜູ້ເຂົ້າຮ່ວມໄດ້ເຊື່ອມຊຶມ 2 ເອກະສານສຳຄັນ ຄື: ມະຕິວ່າ ດ້ວຍການເພີ່ມທະວີນຳພາແກ້ໄຂຄວາມຫຍຸ້ງຍາກດ້ານເສດຖະກິດ-ການເງີນ ແລະ ສ້າງຄວາມເຂັ້ມແຂງຂອງການຄຸ້ມຄອງມະຫາພາກ ແລະ ມະຕິວ່າດ້ວຍການປັບປຸງຮາກຖານການເມືອງຂອງລະບອບປະຊາທິປະໄຕປະຊາຊົນໃຫ້ເຂັ້ມແຂງ ແລະ ໜັກແໜ້ນກວ່າເກົ່າ ເຊິ່ງມະຕິດັ່ງກ່າວມີຄວາມສຳຄັນຫຼາຍ ແລະ ຕິດພັນໂດຍກົງກັບຄວາມຮັບຜິດຊອບການເມືອງຂອງຄະນະພັກ-ຄະນະນຳແຕ່ລະຂັ້ນ

 

 

 ທັງເປັນການສ້າງຄວາມຮັບຮູ້ທີ່ເປັນເອກະພາບກັບສູນກາງພັກ ແລະ ສ້າງຄວາມສາມາດໃຫ້ການຜັນຂະຫຍາຍຈັດຕັ້ງປະຕິບັດ 2 ມະຕິດັ່ງກ່າວໃນພາກຕົວຈິງ.