ຂ່າວ

  • 14 ກ.ພ

 

 ກະຊວງສາທາລະນະສຸກ ຈັດກອງປະຊຸມ ແລະ ຜັນຂະຫຍາຍມະຕິ 7 ສະໄໝທີ X ຂອງສູນກາງພັກ ໃຫ້ພະນັກງານການນຳ ແລະ ພະນັກງານຫຼັກແຫຼ່ງອ້ອມຂ້າງກະຊວງ ຊຸດທີ II ຂື້ນວັນທີ 7 ກຸມພາ 2019 ຢູ່ຫ້ອງປະຊຸມໂຮງໝໍ ມິດຕະພາບ (150 ຕຽງ) ພາຍໃຕ້ການເປັນປະທານຂອງທ່ານ ຄຳພອນ ພຸດທະວົງ ເລຂາຄະນະພັກກະຊວງ ຮອງລັດຖະມົນຕີກະຊວງສາທາລະນະສຸກ, ທ່ານ ດຣ ນ ແສງຈ້ອຍ ປັນຍາວົງ ຄະນະປະຈຳພັກກະຊວງ ຫົວໜ້າກົມຈັດຕັ້ງ-ພະນັກງານ ມີບັນດາຄະນະພັກຮາກຖານ ຄະນະໜ່ວຍພັກ,​ ຄະນະກົມ,​ ຫົວໜ້າພະແນກ,​ ຮອງພະແນກ,​ ຫົວໜ້າຂະແໜງທີ່ຂື້ນກັບກົມ,​ ກອງ,​ ມະຫາວິທະຍາໄລວິທະຍາສາດສຸຂະພາບ,​ ສະຖາບັນ,​ ໂຮງໝໍ,​ ໂຮງຮຽນ,​ ໂຮງງານ ແລະ ບັນດາສູນຕ່າງໆອ້ອມຂ້າງກະຊວງສາທາລະນະສຸກເຂົ້າຮ່ວມ

 

 

ຜູ້ເຂົ້າຮ່ວມກອງປະຊູມແມ່ນໄດ້ຮັບຟັງການເຊື່ອມຊຶມ 2 ເອກະສານສຳຄັນ ຄື: 1. ມະຕິວ່າດ້ວຍການປັບປຸງຮາກຖານການເມືອງຂອງລະບອບປະຊາທິປະໄຕປະຊາຊົນໃຫ້ເຂັ້ມແຂງ ແລະ ໜັກແໜ້ນກວ່າເກົ່າ 2. ມະຕິວ່າດ້ວຍການເພີ່ມທະວີນຳພາແກ້ໄຂຄວາມຫຍຸ້ງຍາກດ້ານເສດຖະກິດ-ການເງີນ ແລະ ສ້າງຄວາມເຂັ້ມແຂງຂອງການຄຸ້ມຄອງມະຫາພາກ ເຊິ່ງມະຕິດັ່ງກ່າວມີຄວາມສຳຄັນຫຼາຍ ແລະ ຕິດພັນໂດຍກົງກັບຄວາມຮັບຜິດຊອບການເມືອງຂອງຄະນະພັກ-ຄະນະນຳແຕ່ລະຂັ້ນ

 

 

 ທັງເປັນການສ້າງຄວາມຮັບຮູ້ທີ່ເປັນເອກະພາບກັບສູນກາງພັກ ແລະ ສ້າງຄວາມສາມາດໃຫ້ການຜັນຂະຫຍາຍຈັດຕັ້ງປະຕິບັດ 2 ມະຕິດັ່ງກ່າວໃນພາກຕົວຈິງ

  • 16 ພ.ຈ

 

ຕອນເຊົ້າຂອງ ວັນທີ 9 ພະຈິກ 2018, ທ່ານອີຣິກ ຮາແກນ, ຮອງລັດຖະມົນຕີ ກະຊວງສາທາລະນະສຸກ ຂອງສະຫາລັດອາເມລິກາ ແລະ ທ່ານ. ຮສ. ດຣ.ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກ ປຶກສາຫາລືກ່ຽວກັບ ການຮ່ວມມືດ້ານສາທາລະນະສຸກ ລະຫວ່າງ ສະຫະລັດອາເມລິກາ ແລະ ສປປ ລາວ. ສປປ ລາວ ແມ່ນຄູ່ຮ່ວມງານທີ່ສຳຄັນໃນຄວາມພະຍາຍາມລະດັບສາກົນຂອງວຽກງານຕ້ານ ແລະ ສະກັດກັ້ນໄພຂົ່ມຂູ່ພະຍາດທີ່ກຳລັງເກີດຂື້ນ ແລະ ເກີດຂື້ນໃໝ່ ໂດຍສະເພາະ ພະຍາດ ໄຂ້ຫວັດສັດປີກ ແລະ ໄຂ້ຫວັດໃຫ່ຍສາຍພັນໃໝ່, ການຕ້ານຕໍ່ຢາຂອງໄຂ້ມາເລເຣຍ, ໄຂ້ເລືອດອອກ, HIV/AIDS ແລະ ພະຍາດວັນນະໂລກປອດ

 

 

 ທ່ານນາງ ຣີນາ ບິດເຕີ ເອກອັກຄະລັດຖະທູດສະຫະລັດອາເມລິກາ ປະຈຳ ສປປ ລາວ ກ່າວວ່າ: ສະຫະລັດອາເມລິກາ ມີຄວາມມຸ້ງໝັ້ນທີ່ຈະສືບຕໍ່ເພີ່ມທະວີການຮ່ວມມືກັບລັດຖະບານ ແລະ ປະຊາຊົນລາວ ໃນຂົງເຂດ ສາທາລະນະສຸກ ແລະ ການພັດທະນາທີ່ຍືນຍົງ.

 

 

ນອກຈາກພົບກັບທ່ານລັດຖະມົນຕີ ຮສ ດຣ ບຸນກອງ ສີຫາວົງ ແລ້ວ ທ່ານ ອີຣິກ ຮາແກນ ຍັງໄດ້ຢ້ຽມຢາມ ໂຮງໝໍ ແລະ ຫ້ອງວິເຄາະການແພດຕ່າງໆ ເພື່ອເບິ່ງ ໂຄງການຝຶກອົບຮົມທີ່ສະໜັບສະໜູນໂດຍລັດຖະບານສະຫະລັດອາເມລິກາ ທີ່ຈັດຂື້ນໃຫ້ສຳລັບວິຊາການດ້ານສາທາລະນະສຸກວ່າສາມາດສ້າງຄວາມເຂັ້ມແຂງແນວໃດໃຫ້ກັບວຽກປ້ອງກັນ, ຄົ້ນຫາ, ການກຽມຄວາມພ້ອມ ແລະ ຕອບໂຕ້ຕໍ່ເຫດການສຸກເສີນດ້ານສາທາລະນະສຸກ.

 

 

ຈາກນັ້ນໃນຕອນບ່າຍຂອງວັນດຽວກັນ ທ່ານ Eric D. Hargan ຮອງລັດຖະມົນຕີກະຊວງສາທາລະນະສຸກ ກໍ່ໄດ້ເຂົ້າຢ້ຽມຢາມສູນວິເຄາະ ແລະ ລະບາດວິທະຍາ ຈຸດປະສົງຂອງການຢ້ຽມຢາມກໍ່ ເພື່ອຕິດຕາມໂຄງການຮ່ວມມືລະຫວ່າງລັດຖະບານສະຫະລັດອາເມລິກາ ແລະ ກະຊວງສາທາລະນະສຸກ ເປັນຕົ້ນການປະຕິບັດວຽກງານຄວາມໝັ້ນຄົງດ້ານສາທາລະນະສຸກ ແລະ ກໍ່ເພື່ອຮັດແໜ້ນການຮ່ວມມືລະຫວ່າງກະຊວງສາທາລະສຸກ ສປປ ລາວ ແລະ ກະຊວງສາທາລະນະສຸກສະຫະລັດອາເມລິກາ

 

  • 02 ພ.ຈ

 

ປະເທດທີ່ມີການກຳນົດກົນໄກການປະສານງານທີມແພດສຸກເສີນທີ່ຊັດເຈນ ແມ່ນຈະຮັບປະກັນການປິ່ນປົວສຸຂະພາບໃຫ້ແກ່ປະຊາກອນທີ່ໄດ້ຮັບຜົນກະທົບຈາກໄພພິບັດຢ່າງມີຄຸນນະພາບ ແລະ ທັນເວລາ.

 

 

ໃນວັນທີ 29 ຕຸລາ 2018 ຜ່ານມາ ກະຊວງສາທາລະນະສຸກຮ່ວມກັບອົງການອະໄມໂລກ ໄດ້ຈັດກອງປະຊຸມເຜີຍແຜ່ກ່ຽວກັບທີມແພດສຸກເສີນໃຫ້ແກ່ບັນດາອົງການຈັດຕັ້ງລັດຖະບານທີ່ກ່ຽວຂ້ອງ ຂື້ນທີ່ໂຮງແຮມຄຼາວພາຊາ ພາຍໃຕ້ການເປັນປະທານຂອງ ທ່ານ ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ແລະ ທ່ານ ດຣ ໂມໂມເອະ ທາເກາະອຶຈິ ຜູ້ຮັກສາການຕາງໜ້າອົງການອະໄມໂລກ ປະຈຳ ສປປ ລາວ, ມີບັນດາຜູ້ຕາງໜ້າຈາກກະຊວງຕ່າງໆ ແລະ ອົງການຈັດຕັ້ງລັດຈາກຂັ້ນສູນກາງ ແລະ ຂັ້ນແຂວງເຂົ້າຮ່ວມ ຈຸດປະສົງຂອງກອງປະຊຸມຄັ້ງນີ້ກໍ່ເພື່ອເປັນການເປີດໂອກາດໃຫ້ຜູ້ທີ່ເຂົ້າຮ່ວມໄດ້ສົນທະນາແລກປ່ຽນບົດຮຽນສຳຄັນທີ່ຖອດຖອນໄດ້, ສິ່ງທ້າທາຍ ແລະ ສີ່ງທີ່ສຳຄັນໄປກວ່ານັ້ນ ກໍ່ຄືມາດຕະການສ້າງຄວາມເຂັ້ມແຂງໃນການປະສານງານກັບທີມແພດສຸກເສີນໃນຕໍ່ໜ້າ ການລິເລີ່ມວຽກງານທີມແພດສຸກເສີນນີ້ກໍ່ເພື່ອຮັບປະກັນການຈັດສົ່ງທີມງານຕອບໂຕ້ໄວທີ່ມີຄຸນນະພາບດ້ານການຮັກສາສຸຂະພາບ ທີ່ສອດຄ່ອງກັບຄວາມຕ້ອງການ ແລະ ສະພາບການໃນສະໜາມ, ພ້ອມດ້ວຍຄວາມອາດສາມາດ, ອຸປະກອນ ແລະ ເຄື່ອງໃຊ້ທີ່ພຽງພໍ.

 

 

ລັດຖະບານປະເທດເຈົ້າພາບທີ່ຍອມຮັບການຊ່ວຍເຫຼືອຈາກທີມແພດສຸກເສີນ ກໍ່ຕ້ອງມີຄວາມສາມາດ ແລະ ລະບົບ ເພື່ອເຊື່ອມສານທີມແພດສຸກເສີນ ໃຫ້ເຂົ້າກັບລະບົບສາທາລະນະສຸກຂັ້ນທ້ອງຖິ່ນ ເພື່ອໃຫ້ມີການຕອບໂຕ້ທັນທີ.

  • 08 ມ.ສ

 

ໃນວັນທີ 19 ມີນາ 2019 ຜ່ານມານີ້ ກົມອາຫານແລະຢາ ກະຊວງສາທາລະນະສຸກ ໄດ້ຈັດກອງປະຊຸມປຶກສາຫາລືຂັ້ນການນຳກ່ຽວກັບການຂໍອານຸຍາດໂກຕ້າ, ຂຸດຄັ້ນ, ເກັບຊື່, ປຸງແຕ່ງຖອນຮີດ, ຜະລິດ ແລະ ປູກທົດແທນຊັບພະຍາກ່ອນທຳມະຊາດທີ່ເປັນຢ່າຮ່ວມນຳຂະແໜງການທີ່ກ່ຽວຂ້ອງຂັ້ນສູນກາງ ຂື້ນທີ່ ທ່າລາດ ແຂວງວຽງຈັນ

 

 

ພາຍໃຕ້ການເປັນປະທານ ຣສ ດຣ ບຸນກອງສີຫາວົງລັດຖະມົນຕີກະຊວງສາທາລະນະສຸກ ແລະ ທ່ານ ດຣ ສົມທະວີ ຈ່າງວິສົມມິດ ຫົວໜ້າກົມອາຫານແລະຢາ ກະຊວງສາທາລະນະສຸກ, ມີພາກສ່ວນທີ່ກ່ຽວຂ້ອງມາຈາກພາກສ່ວນ ຫ້ອງວ່າການລັດຖະບານ, ກົມສັງຄົມ, ສະພາແຫ່ງຊາດ, ກົມປ່າໄມ້ກະຊວງກະສິກຳປ່າໄມ້, ກົມນຳເຂົ້າ-ສົ່ງອອກ ກະຊວງອຸສາຫະກຳແລະການຄ້າ, ກົມຄວບຄຸມມົນລະພິດ ກະຊວງຊັບພະຍາກອນທຳມະຊາດແລະສິ່ງແວດລ້ອມແລະບັນດາຫ້ອງ, ກົມ, ຄະນະເພສັຊສາດ, ສະຖາບັນການແພດຊການຢາພື້ນເມຶອງ, ສູນວິໃຈອາຫານ-ຢາ, ຫ້ອງອອ້ທຂ້າງກະຊວງສາທະລະນະສຸກ, ພະແນກສາທາລະນະສຸກນະຄອນຫຼວງແລະພະນັກງານຈາກກົມແາຫານແລະຢາເຂົ້າຮ່ວມ.

 

 

ກອງປະຊຸມດັ່ງກ່າວໄດ້ດຳເນີນເປັນເວລາ 2 ວັນ ຄືວັນທີ 19-20 ມີນາ, ຂື້ນກໍ່ເພຶ່ອເຮັດໃຫ້ບັນດາພານສ່ວນກ່ຽວຂ້ອງໄດ້ປຶກສາຫາລືແລະເປັນເອກະພາບໃນດ້ານຫຼັກການຄຸ້ມຄອງການຄຸມຄອງການຄຸດຄົ້ນ

ເກັບຊື່, ຜະລິດ, ປູກລ້ຽງ, ການນຳເຂົ້າ-ສົ່ງອອກຢາພື້ນເມຶອງ ແລະ ຊັບພະຍາກອນທຳທະຊາດທີ່ເປັນຍາ, ຜ່ານມານັບແຕ່ປີ 2012ກະຊວງສາທາລະນະສຸກກໍ່ໄດ້ຈັດກອງປະຊຸມປຶກສາຫາລືດ້ານນິ້ມາຫຼາຍຄັ້ງໂດຍອີງໃສ່ແຜນບູລິມະສິດຂອງລັດຖະບານແລະແຜນພັດທະນາ ສາທາລະນະສຸກ 5 ປີຄຄັ້ງ​ທີ ​VII (2011-2015) ແລະທິດທາງແຜນ ພັດທະນາສາທາລະນະສຸກ 5 ປີ ຄັ້ງທີ VIII (2016-2020) ໃນການພັດທະນາວຽກງານຢາພື້ນເມຶອງໃຫ້ທັນກັບບັນດາປະເທດອາຊຽນ; ໂດຍສະເພາະແມ່ນການຄຸ້ມຄອງປົກປັກຮັກສາຊັບພະຍາກອນທຳມະຊາດມີ່ເປປັນຢາໃຫ້ຢືນຍົງ ແລະ ນຳໃຊ້ໃຫ້ມີປະສິດ ທີຜົນໃນດ້ານປິ່ນປົວສຸຂະພາບແລະ ເສດຖະກິດຂອງຊາດ