ຂ່າວ

  • 21 ມ.ຖ

ພິທີສະເຫຼີມສະຫຼອງວັນ ຕ້ານໄຂ້ຍຸງລາຍອາຊຽນ ແລະ ວັນສັບປະດາປ່ອຍປາຫາງນົກຍຸງ ຄົບຮອບ 5 ປີ ແລະ ວັນແພດ ລາວ ຄົບຮອບ 2 ປີ ໄດ້ ຈັດຂຶ້ນໃນວັນທີ 16 ຜ່ານມາ ທີ່ສະໂມສອນເມືອງໄຊທານີ, ໂດຍການເປັນປະທານຮ່ວມ ຂອງທ່ານ ຮ​ສ.ດ​ຣ. ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ມີທ່ານ ສີຫຸນ ສິດທິລືໄຊ ຮອງເຈົ້າຄອງນະ ຄອນຫຼວງວຽງຈັນ ຜູ້ຊີ້ນຳວຽກ ງານວັດທະນະທຳ-ສັງຄົມ ຂັ້ນ ນະຄອນຫຼວງ, ມີທ່ານເຈົ້າ ເມືອງ-ຮອງເຈົ້າເມືອງ ຄະນະກຳມະການ ຕ້ານ ແລະ ຄວບ ຄຸມພະຍາດຕິດຕໍ່ຂັ້ນນະຄອນຫຼວງ, ຂັ້ນເມືອງ, ຫ້ອງການສາທາລະນະສຸກເມືອງ 9 ຕົວ ເມືອງ, ອາສາສະໝັກຂັ້ນບ້ານ ພ້ອມດ້ວຍພະນັກງານທີ່ກ່ຽວ ຂ້ອງເຂົ້າຮ່ວມ. ການຈັດງານໃນຄັ້ງນີ້ ຈຸດປະສົງເພື່ອເປັນການຫຼຸຸດຜ່ອນ ອັດຕາການເຈັບເປັນ ແລະ ເສຍຊີວິດຈາກພະຍາດໄຂ້ຍຸງ ລາຍ ເພື່ອສ້າງຂະບວນການ ຮ່ວມກັນໃນການປ້ອງກັນ ແລະ ຄວບຄຸມພາ ຫະນຳເຊື້ອພະ ຍາດໄຂ້ຍຸງດ້ວຍການລ້ຽງປາ ຫາງນົກຍຸງ ເພື່ອຕັດຕ່ອງໂສ້ ການຈໍລະຈອນຂອງພາຫະນຳ ເຊື້ອພະຍາດໄຂ້ຍຸງລາຍ, ທັງ ເປັນການເຜີຍແຜ່ປະຫວັດ ຄວາມໝາຍ-ຄວາມສຳຄັນ ຂອງວັນແພດລາວ, ດັ່ງທີ່ພວກ ເຮົາຮັບຮູ້ນຳກັນແລ້ວວ່າ ພະ ຍາດໄຂ້ຍຸງລາຍເກີດຂຶ້ນຈາກ ເຊື້ອນຸລະໂລກ ມີພາຫະນຳ ເຊື້ອແມ່ນຍຸງລາຍ, ຊຶ່ງອາຊຽນ ໄດ້ກຳນົດເອົາວັນທີ 15 ມິຖຸນາ ຂອງທຸກໆປີເປັນວັນຕ້ານໄຂ້ຍຸງ ລາຍອາຊຽນ ເພຶື່ອປຸກລະດົມ ປະຊາຊົນໃນຂົງເຂດອາຊຽນ ໃຫ້ມີສ່ວນຮ່ວມໃນການປ້ອງ ກັນ ແລະ ຄວບຄຸມພະຍາດໄຂ້ ຍຸງລາຍ. ໃນປິີ 2018 ປະເທດ ລາວມີການລາຍງານສະຖິຕິ ການເກີດພະຍາດໄຂ້ຍຸງລາຍ ຮອດວັນທີ 13 ມິຖຸນາ 2018 ທົ່ວປະເທດມີຄົນເປັນພະຍາດ ໄຂ້ຍຸງລາຍ 1.089 ຄົນ ແລະ ເສຍຊີວິດ 2 ຄົນ, ແຂວງຈຳປາ ສັກ 164 ຄົນ, ສຳລັບນະຄອນ ຫຼວງວຽງຈັນ ມີ 102 ຄົນ (ບໍ່ມີ ຜູ້ເສຍຊີວິດ) ໃນນັ້ນເມືອງໄຊທານີຫຼາຍກວ່າໝູ່, ພາຍໃນງານ ທ່ານປະທານ ພ້ອມແຂກ ຖືກເຊີນໄດ້ໃຫ້ກຽດຕັດແຖບ ຜ້າເພື່ອເປີດງານ, ຢ້ຽມຊົມກິດຈະກຳຕ້ານໄຂ້ຍຸງລາຍຂອງ ແຕ່ລະຮ້ານ ແລະ ປ່ອຍປາ ຫາງນົກຍຸງລົງອ່າງໃນຄອບ ຄົວ ແລະ ຫ້ອງການຂອງປະຊາຊົນ ເພື່ອກິນໜອນນ້ຳຍຸງລາຍ

  • 21 ມ.ຖ

ກະຊວງສາທາລະນະສຸກ ໄດ້ຈັດພິທີສະເຫຼີມສະຫຼອງວັນ ແພດລາວ 18 ມິຖຸນາ ຂຶ້ນເມື່ອ ວັນທີ 18 ມິຖຸນາ ທີ່ສູນຮ່ວມມື ລາວ - ຍີ່ປຸ່ນ (ICTC ຫຼັກ 5) ນະຄອນຫຼວງວຽງຈັນ ໂດຍ ການເຂົ້າຮ່ວມເປັນປະທານ ຂອງທ່ານ ຮ​ສ.ດ​ຣ. ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ມີຮອງລັດຖະມົນຕີ, ບັນ​ດາ​ຄະ​ນະກົມ, ສູນ, ສະຖາບັນ, ໂຮງໝໍ, ໂຮງ​ງານ ແລະ ອະດີດການ​ນຳ ກະຊວງສາທາລະນະສຸກ, ພະນັກງານອາວຸໂສ ບຳນານ ພ້ອມດ້ວຍພະນັກ ງານແພດໝໍ, ນັກສຶກສາເຂົ້າ ຮ່ວມ.        ທ່ານ ຮ​ສ.ດ​ຣ. ບຸນກອງ ສີຫາວົງ ໄດ້ກ່າວວ່າ: ວັນແພດລາວແມ່ນ ວັນໜຶ່ງທີ່ເປັນປະຫວັດສາດ ອັນລ້ຳຄ່າຂອງຂະແໜງສາທາລະນະສຸກ, ເປັນວັນສ້າງຂະບວນການກິດຈະກຳຕ່າງໆ ເພື່ອລະນຶກເຖິງຜົນງານ ແລະ ສັນລະເສີມຄຸນງາມຄວາມດີ ຂອງແພດລາວໃນສະໄໝຕໍ່ສູ້ ກູ້ຊາດກໍຄືສະໄໝປົກປັກຮັກສາ ແລະ ສ້າງສາປະເທດຊາດ. ນອກຈາກນີ້, ການສະເຫຼີມສະຫຼອງວັນແພດລາວຍັງເປັນ ການປູກຈິດສຳນຶກໃຫ້ແກ່ພະນັກງານແພດໝໍ, ພະຍາບານ, ພະນັກງານສາທາລະນະສຸກ ລາວ, ຜູ້ສືບທອດຮ່ຳຮຽນເອົາ ແບບຢ່າງອັນດີງາມຂອງແພດໝໍ ແລະ ພະນັກງານສາທາລະນະສຸກຮຸ່ນກ່ອນ, ອອກແຮງ ຝຶກຝົນຫຼໍ່ຫຼອມສ້າງຕົນເອງໃຫ້ ພຽງພ້ອມໄປດ້ວຍຄຸນສົມບັດ ຈັນຍາບັນ ແລະ ຄວາມ ຊຳນານງານດ້ານວິຊາ​ການ ເພື່ອກາຍເປັນແພດແຫ່ງຊາດ ແລະ ແພດປະຊາຊົນໃຫ້ສົມກຽດສັກສີທີ່ວ່າ: "ເປັນນັກຮົບ ເສື້ອຂາວປະຕິວັດຂອງພັກ" ແລະ ຮັກຫອມຄົນເຈັບປຽບ ເໝືອນແມ່ຜູ້ໃຈດີ. ດັ່ງນັ້ນ ການສະເຫຼີມສະຫຼອງວັນແພດລາວ ໃນປີນີ້ ພວກເຮົາໄດ້ເລືອກເອົາ 2 ຄຳຂວັນຄື: ຊົມເຊີຍວັນແພດ ລາວ ວັນທີ 18 ມິຖຸນາ ຢ່າງສຸດໃຈ. ສູ້ຊົນຈັດຕັ້ງປະຕິບັດນະ ໂຍບາຍ 5 ດີ 1 ພໍໃຈໃຫ້ປະກົດຜົນເປັນຈິງ. ຜ່ານການຈັດ ຕັ້ງປະຕິບັດວຽກງານສາທາລະນະສຸກພວກເຮົາຍາດໄດ້ຜົນ ສຳເລັດຫຼາຍດ້ານ, ເປັນຕົ້ນ ຕາໜ່າງບໍລິການສຸຂະພາບໄດ້ສືບ ຕໍ່ຂະຫຍາຍຕົວ ແລະ ມີຄຸນນະພາບສົມຄວນ. ອັດຕາການ ຕາຍຂອງແມ່ ແລະ ເດັກໄດ້ຫຼຸຸດລົງ, ສາມາດບັນລຸເປົ້າໝາຍ ສະຫັດສະວັດ ເພື່ອການພັດທະນາ. ໃນພິທີຍັງໄດ້ຮັບຟັງການ ນຳສະເໜີຂອງທ່ານ ດ​ຣ. ປອນເມກ ດາລາລອຍ ອະດີດລັດຖະມົນຕີກະຊວງສາທາລະນະສຸກ ກ່ຽວກັບຈັນຍາບັນ, ຈັນຍາທຳ ໂດຍການຈັດຕັ້ງປະຕິບັດນະ ໂຍບາຍ 5 ດີ 1 ພໍໃຈ ແລະ ຄວາມໝາຍຄວາມສຳຄັນ ຂອງວັນແພດລາວໂດຍທ່ານ ນາງ ຈັນທະໜອມ ມະໂນທຳ ອະ​ດິດ​ຫົວ​ໜ້າ​ຫ້ອງ​ການ​ກະ​ຊວງ​ສາ​ທາ​ລະ​ນະ​ສຸກ, ໃນໂອກາດນີ້ກໍໄດ້ມີກິດຈະກຳ ກວດສຸຂະພາບໃຫ້ກັບຜູ້ເຂົ້າ ຮ່ວມໂດຍໜ່ວຍງານແພດທີ່ ມາຈາກໂຮງໝໍ​ສູນ​ກາງ

  • 28 ຕ.ລ

 

ໃນຕອນເຊົ້າຂອງວັນທີ 24 ຕຸລາ 2018 ຜ່ານມາ ທີ່ກະຊວງສາທາລະນະສຸກ ທ່ານ ຮສ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ໄດ້ຕ້ອນຮັບການມາເຂົ້າຮ່ວມພິທີເຊັນສັນຍາ ບົດບັນທຶກຂໍ້ຕົກລົງລະຫວ່າງກະຊວງສາທາລະນະສຸກ ສປປ ລາວ ແລະ ລັດຖະບານປະເທດອັງກິດ

 ຂອງ Her Royal Highness Princess Beatrice Elizabeth Mary of york ແຫ່ງລາຊະອານາຈັກອັງກິດ. ພິທີລົງນາມ ໂດຍທ່ານ ຮສ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ແລະ ທ່ານ ຮີວ ອີວານ ເອກອັກຄະລັດສະທູດລາຊະອານາຈັກອັງກິດ ແລະ ໄອແລນເໜືອປະຈຳລາວ. ໂດຍການເປັນສັກຂີພິຍານຂອງ Her Royal Highness Princess Beatrice Elizabeth Mary of york ມີບັນດາທ່ານຈາກກະຊວງຂະແໜງທີ່ກ່ຽວຂ້ອງ, ທ່ານຫົວໜ້າຫ້ອງການສາທາລະນະສຸກ, ຫົວໜ້າກົມ, ຮອງກົມ ແລະ ສູນ ອ້ອມຂ້າງຂອງກະຊວງສາທາລະນະສຸກເຂົ້າຮ່ວມ.

 

 

ຂໍ້ຕົກລົງການຮ່ວມມືດັ່ງກ່າວເປັນແຜນດຳເນີນການກ່ຽວກັບເຊື້ອຈຸລະຊີບຕ້ານຕໍ່ຢາຂອງໂລກກໍ່ໄດ້ຖືກພັດທະນາຂື້ນມາ ແລະ ລະບົບການເຝົ້າລະວັງເຊື້ອຈຸລະຊີບຕ້ານຕໍ່ຢາ ພ້ອມທັງຄະນະກຳມະການກໍໄດ້ຖືກຈັດຕັ້ງຂື້ນທັນທີ ເພື່ອຂັບເຄື່ອນວຽກງານເຊື້ອຈຸລະຊີບຕ້ານຕໍ່ຢາໃຫ້ເປັນຕາມແຜນທີ່ກຳນົດໄວ້ ເຖີງແມ່ນວ່າວຽກງານນີ້ຈະມີຄວາມຫຍຸ້ງຍາກ ແລະ ສັບສົນ ຊຶ່ງໄດ້ຮຽກຮ້ອງເຖີງຄວາມຮ່ວມມືຈາກທຸກພາກສ່ວນ ຂະແຫນງການ ຄູ່ຮ່ວມງານ ໃນທຸກຂັ້ນຕ້ອງໄດ້ເຮັດວຍກຮ່ວມກັນ. ແລະ ແຜນດຳເນີນງານກ່ຽວກັບເຊື້ອຈຸລະຊີບຕ້ານຕໍ່ຢາແຫ່ງຊາດຂອງ ສປປ ລາວ ແມ່ນໂຄງການຮ່ວມມືລະຫວ່າງສອງກະຊວງຫຼັກຄື ກະຊວງສາທາລະນະສຸກ ແລະ ກະຊວງກະສິກຳປ່າໄມ້ ແລະ ໄດ້ຖືກພັດທະນາຂື້ນມາໃນເດືອນທັນວາ 2016. ແຜນດຳເນີນການກ່ຽວກັບເຊື້ອຈຸລະຊີບຕ້ານຕໍ່ຢາຂອງໂລກ (ພັດທະນາໂດຍອົງການອາຫານແລະການກະເສດ (FAO), ອົງການເພື່ອສຸກະພາບສັດສາກົນ (OIE) ແລະ ອົງການອານະໄມໂລກ (WHO)) ໄດ້ຕົກລົງເຫັນດີໃຫ້ກວມເອົາຫ້າຈຸປະສົງ ແລະ ສປປ ລາວ ກໍໄດ້ພັດທະນາແຜນດຳເນີນການກ່ຽວກັບເຊື້ອຈຸລະຊີບຕ້ານຕໍ່ຢາ ໂດຍອີງໃສ່ຈຸດປະສົງດັ່ງກ່າວຕາມຄວາມເໝະສົມ.

  • 15 ມ.ນ

ໃນວັນທີ 12 ມີນາ 2018 ທີ່ກະຊວງສາທາລະນະສຸກ ທ່ານ ຮສ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ແລະ ທ່ານ ດຣ ນາງ ຈູລຽດ ຟາຍເຊີ ( Dr. Juliet Fleisch ) ຜູ້ຕາງໜ້າອົງການອະນາໄມໂລກປະຈຳ ສປປ ລາວ ໄດ້ເຊັນສັນຍາແຜນປະຈຳປີ 2018 ລະຫວ່າງກະຊວງສາທາລະນະສຸກ ແລະ ອົງການອະນາໄມໂລກ. ໃນນັ້ນມີ ທ່ານຫົວໜ້າຫ້ອງການກະຊວງສາທາລະນະສຸກ, ບັນດາທ່ານຫົວໜ້າກົມ, ຮອງກົມ, ບັນດາສູນ ພ້ອມພະນັກງານຂັ້ນສູງທີ່ກ່ຽວຂ້ອງຈາກອົງການອະນາໄມໂລກ ແລະ ກະຊວງສາທາລະນະສຸກເຂົ້າຮ່ວມ

        ໃນພິທີ່ດັ່ງກ່າວ ທ່ານ ຮສ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ໄດ້ສະແດງຄວາມຊົມເຊີຍ ແລະ ຕີລາຄາສູງ ໃນການສືບຕໍ່ສະໜັບສະໜຸນ ແລະ ປະກອບສ່ວນ ອັນສຳຄັນ ແລະ ມີປະໂຫຍດສູງ ເຂົ້າໃຊ້ໃນຂົງເຂດວຽກງານຂອງຂະແໜງສາທາລະນະສຸກ ຕໍ່ວຍກງານສຸກເສີນດ້ານສາທາລະນະສຸກ ແລະ ວຽກງານເຟົ້າລະວັງ ແລະ ຕອບໂຕ້ພະຍາດລະບາດ ເຫັນວ່າວຽກງານໄດ້ກ້າວມີຄວາມຄືບໜ້າ ແລະ ມີການພັດທະນາໃນທາງຕັ້ງໜ້າ

        ສຸດທ້າຍ ທ່ານລັດຖະມົນຕີກະຊວງສາທາລະນະສຸກ ໄດ້ອວຍພອນໃຫ້ທ່ານຜູ້ຕາງໜ້າອົງການອະນາໄມໂລກຈົ່ງມີສຸຂະພາບເຂັ້ມແຂງ ແລະ ປະສົບຜົນສຳເລັດໃນການປະຕິບັດວຽກງານໜ້າທີ່ຂອງທ່ານ