ຂ່າວ

  • 27 ກ.ກ

 

ໃນວັນທີ 28 ເດືອນກໍລະກົດ 2019 ນີ້, ທ່ານ ຮສ ດຣ ບຸນໜັກ ໄຊຊະນະສົງຄາມ ຫົວໜ້າກົມປິ່ນປົວ ກະຊວງສາທາລະນະສຸກ ໄດ້ໃຫ້ສຳພາດຕໍ່ສື່ມວນຊົນ ໃນວັນທີ 26 ກໍລະກົດ ທີ່ກົມປິ່ນປົວ ແລະ ຟື້ນຟູໜ້າທີ່ການ ກະຊວງສາທາລະນະສຸກ ວ່າ: ວັນອັກເສບຕັບໂລກແມ່ນໄດ້ຈັດຕັ້ງປະຕິບັດໃນທຸກໆປີ ໃນວັນທີ 28 ເດືອນກໍລະກົດເພື່ອຂະຫຍາຍຕາໜ່າງການໃຫ້ສຸກຂະສຶກສາ ແກ່ປະຊາຊົນເພື່ອໃຫ້ມີຄວາມເຂົ້າໃຈກ່ຽວກັບພະຍາດຕັບອັກເສບ ແລະ ເພື່ອເສີມຂະຫຍາຍ ມີການແກ້ໄຂບັນຫາທາງດ້ານສາທາລະນະສຸກໃນທົ່ວໂລກ. ເຊິ່ງມີຫຼາຍກວ່າ 100 ປະເທດທົ່ວໂລກເຂົ້າຮ່ວມຈັດກິດຈະກໍາທີ່ເພື່ອສຸມໃສ່ການປູກຈິດສໍານຶກ ແລະ ແນ່ໃສ່ວຽກງານການປ້ອງການ, ການກວດ ແລະ ປິ່ນປົວໃຫ້ ມີປະສິດທິພາບ ແລະ ປະສິດທີ່ຜົນຫຼາຍຂຶ້ນ. ເຊິ່ງປີນີ້ປະເທດລາວເຮົາກໍ່ໄດ້ມີການກະກຽມຈັດຕັ້ງປະຈິບັດ ກິດຈະກຳທີ່ກ່ຽວຂ້ອງກັບວັນດັ່ງກາວເປັນຄັ້ງທຳອິດ. ລາວແມ່ນຫນຶ່ງໃນບັນດາປະເທດທີ່ມີອັດຕາການຕິດເຊື້ອພະຍາດຕັບອັກເສບສູງ ໂດຍສະເພາະແມ່ນຊະນິດ B ແລະ C. ສ່ວນໃຫຍ່ແມ່ນຕິດຕໍ່ຈາກ ແມ່ ສູ່ ລູກ ເພາະການກວດຫາເຊື້ອພະຍາດຕັບອັກເສບໃນແມ່ຍິງຖືພາ ໃນປະເທດລາວແມ່ນຍັງມີອັດຕາໜ້ອຍຫລາຍ. ໂອກາດນີ້ ຂ້າພະເຈົ້າຢາກເຊີນຊວນໃຫ້ທຸກທຸກຄົນຈົ່ງມີສ່ວນຮ່ວມໃນການຕໍ່ສູ້ກັບຕັບອັກເສບ. ໂດຍເລີ່ມຈາກການປ້ອງກັນ ໂດຍພາລູກຂອງທ່ານໄປຮັບຢາວັກຊີນປ້ອງກັນພະຍາດຢ່າງຄົບຖ້ວນ. ຮັບຂໍ້ມູນຄວາມຮູ້ກ່ຽວກັບຄວາມສ່ຽງຕໍ່ການເປັນພະຍາດຕັບອັກເສບ ແລະ ວິທີເຂົ້າເຖິງການກວດ. ຖ້າຫາກວ່າມີຄວາມສຽງຕໍ່ການຕິດຕໍ່ພະຍາດຕັບອັກເສບ ກໍ່ຄວນເຂົ້າພົບແພດເພື່ອເຂົ້າຮັບການກວດບົ່ວມະຕິ ແລະ ປິ່ນປົວ. ຜ່ານກິດຈະກໍາສະເຫຼີມສະຫຼອງນີ້ ຈະເຮັດໃຫ້ປະຊາຊົນໄດ້ໄດ້ຮັບຂໍ້ມູນຢ່າງລະອຽດກ່ຽວກັບມາດຕະການປ້ອງກັນແລະຄວບຄຸມຂອງຕັບອັກເສບ.

  • 29 ມ.ຖ

ສະພາແຫ່ງຊາດເຫັນດີ ເປັນເອກະພາບຮັບຮອງເອົາ ກົດໝາຍວ່າດ້ວຍການໃຫ້ວັກຊິນ ກັນພະຍາດ ກົດໝາຍສ້າງໃໝ່ ຊຶ່ງສະເໜີ ໂດຍທ່ານ ຮ​ສ.ດ​ຣ. ບຸນກອງ ສີຫາວົງ ລັດຖະມົນຕີກະຊວງ ສາທາລະນະສຸກ ໃນວັນທີ 25 ມິຖຸນານີ້ ທີ່ສະພາແຫ່ງຊາດ ພາຍໃຕ້ການເປັນປະທານຂອງ ທ່ານ ບຸນປອນ ບຸດຕະນະວົງ ຮອງປະທານສະພາແຫ່ງ ຊາດ, ມີບັນດາຮອງປະທານສະ ພາແຫ່ງຊາດ, ສະມາຊິກສະພາແຫ່ງຊາດເຂົ້າຮ່ວມ. ໃນທີ່ປະຊຸມບັນດາ ສສຊ ໄດ້ຄົ້ນຄວ້າປະກອບຄຳຄິດຄຳ ເຫັນໃສ່ຮ່າງກົດໝາຍວ່າດ້ວຍ ການໃຫ້ວັກຊິນກັນພະຍາດ ຢ່າງກົງໄປກົງມາ ໂດຍສະ ເພາະ ແມ່ນການນຳເຂົ້າວັກຊິນກັນ ພະຍາດ, ການທຳລາຍອຸປະ ກອນການໃຊ້ວັກຊິນກັນພະຍາດ ແລະ ຂໍ້ປີກຍ່ອຍຕ່າງໆ ຢ່າງລະອຽດຈະແຈ້ງ, ຊັດເຈນ ແລະ ຮັດກຸມ, ເພາະກົດໝາຍ ດັ່ງກ່າວ ເປັນພື້ນຖານສຳຄັນ ໃຫ້ແກ່ການຈັດຕັ້ງປະຕິບັດ ການໃຫ້ວັກຊິນກັນພະຍາດໃຫ້ ໄດ້ຮັບການຄຸ້ມຄອງ, ຕິດຕາມ, ກວດກາ, ຖືກຕ້ອງຕາມແນວ ທາງນະໂຍບາຍຂອງພັກ, ສອດຄ່ອງກັບການພັດທະນາເສດ ຖະກິດ-ສັງຄົມ ແຕ່ລະໄລຍະ ຂອງ ສປປ ລາວ ແລະ ສອດ ຄ່ອງກັບພັນທະສາກົນ, ການ ໃຫ້ວັກຊິນກັນພະຍາດສາມາດ ຈັດຕັ້ງປະຕິບັດໄດ້ຢ່າງຄ່ອງ ຕົວ, ມີຄວາມປອດໄພ, ມີຄຸນ ນະພາບ, ມີປະສິດທິພາບ ແລະ ປະສິດທິຜົນເຮັດໃຫ້ຊຸມ ຊົນມີຄວາມເຊື່ອໝັ້ນ, ເປັນເຈົ້າ ການ ແລະ ມີສ່ວນຮ່ວມຢ່າງ ຫ້າວຫັນໃນການມາຮັບວັກຊິນ ກັນພະຍາດໃຫ້ຄົບຖ້ວນຖືກ ຕ້ອງຕາມຕາຕະລາງທີ່ໄດ້ກຳ ນົດໄວ້ເຮັດໃຫ້ອັດຕາປົກຄຸມ ບັນລຸໄດ້ຫຼາຍຫວ່າ 95% ຂອງ ກຸ່ມເປົ້າໝາຍ, ປະກອບສ່ວນ ເຂົ້າໃນການພັດທະນາເສດຖະ ກິດ-ສັງຄົມ ຂອງຊາດ ເຮັດໃຫ້ ສັງຄົມມີຄວາມສະຫງົບ ແລະ ປອດໄພຈາກການເກີດພະ ຍາດ, ການລະບາດຂອງພະ ຍາດທີ່ສາມາດກັນໄດ້ດ້ວຍ ວັກຊິນ. ອີງຕາມແນວທາງຂອງ ພັກ, ນະໂຍບາຍຂອງລັດ, ລັດ ຖະທຳມະນູນ, ກົດໝາຍວ່າ ດ້ວຍການສ້າງນິຕິກຳສະບັບ ເລກທີ 19/ສພຊ, ລົງວັນທີ 12/7/2012 ແລະ ແຜນການ ສ້າງ ແລະ ປັບປຸງກົດໝາຍ 5 ປີຂອງສະພາແຫ່ງຊາດ ຊຸດທີ VIII (2016-2020) ບົດຮຽນ ຂອງພາກພື້ນ ແລະ ສາກົນ ທັງເຫັນໄດ້ຄວາມສຳຄັນ ແລະ ຄວາມຈຳເປັນເພື່ອສ້າງລັດໃຫ້ ເປັນລັດທີ່ປົກຄອງດ້ວຍກົດ ໝາຍ. ການເກີດພະຍາດ ແລະ ການລະບາດຂອງພະຍາດທີ່ ສາມາດກັນໄດ້ດ້ວຍວັກຊິນມີ ຜົນກະທົບຢ່າງໃຫຍ່ຫຼວງຕໍ່ສຸ ຂະພາບ, ຊີວິດ ແລະ ຊັບສິນ ຂອງປະຊາຊົນບັນດາເຜົ່າເປັນ ການກົດໜ່ວງຖ່ວງດຶງການ ພັດທະນາທາງດ້ານເສດຖະ ກິດ-ສັງຄົມຂອງປະເທດເຊັ່ນ: ການເກີດ ແລະ ລະບາດຂອງ ພະຍາດໂປລີໂອ, ຄໍຕີບ, ໝາກ ແດງ ໃນໄລຍະຜ່ານມາເຫຼົ່ານີ້ ເປັນຕົ້ນ. ການສຶບຕໍ່ຮັກສາຜົນ ສຳເລັດຂອງການບັນລຸເປົ້າ ໝາຍຕົວຊີ້ວັດຂອງສະຫັດສະ ວັດ ແລະ ການຮັກສາຜົນສຳ ເລັດດັ່ງກ່າວນັ້ນໃຫ້ຍືນຍົງຄົງ ຕົວ, ການຮັບເອົາ ແລະ ການ ຈັດຕັ້ງປະຕິບັດກົດລະບຽບສາ ກົນ ທາງດ້ານສາທາລະນະສຸກ ຂອງບັນດາປະເທດສະມາ ຊິກອົງການອະນາໄມໂລກປີ 2005, ຍຸດທະສາດອາຊີ-ປາຊີ ຟິກ ເພື່ອກັນ ແລະ ຄວບຄຸມ ພະຍາດຊຶມເຊື້ອ ແລະ ພະຍາດ ຕິດຕໍ່ທີ່ເກີດຂຶ້ນໃໝ່ປີ 2005, ສະບັບປັບປຸງປີ 2010, ການ ຮັບຮອງເອົາ ແລະ ການຈັດຕັ້ງ ປະຕິບັດໂຄງການຄວາມໝັ້ນ ຄົງທາງດ້ານສຸຂະພາບຂອງ ໂລກປີ 2016 ຮຽກຮ້ອງໃຫ້ ກະຊວງສາທາລະນະສຸກ ຕ້ອງ ມີນິຕິກຳຮັບຮອວງ ແລະ ສ້າງ ຄວາມພ້ອມໃນການຮ່ວມມື ແລະ ການຈັດຕັ້ງປະຕິບັດວຽກ ງານດັ່ງກ່າວ ໃຫ້ສຳເລັດຕາມ ຕົວຊີ້ວັດທີ່ສາກົນໄດ້ກຳນົດ ທັງເປັນຜົນດີຕໍ່ປະຊາຊົນລາວ ບັນດາເຜົ່າໃນທົ່ວປະເທດ ແລະ ປະຊາຊາດໃນໂລກ. ຮ່າງ ກົດໝາຍວ່າດ້ວຍການໃຫ້ວັກ ຊິນກັນພະຍາດປະກອບມີ 13 ພາກ, 12 ໝວດ ແລະ 95 ມາດຕາ. (ຂ່າວ+ພາບ: ສຸກສາຄອນ)

  • 06 ສ.ຫ

ວຽງຈັນ ວັນທີ່, 3 ສິງຫາ 2018 – ທ່ານ ແລວ ຟາເບີ, ເອກອັກຄະລັດຖະທູດ ສະຫະພາບເອີລົບ (EU) ແລະ ທ່ານ ອົກຕາວຽນ ບີໂວນ ຜູ້ຕາງຫນ້າ ອົງການຢູນີເຊັບ ປະຈຳ ສປປ​ລາວ ໄດ້ມອບພະຫະນາ ຊຶ່ງລວມມີ ລົດກະບະ ຈໍານວນ 11 ຄັນ ແລະ ລົດຈັກ ຈຳນວນ 85 ຄັນ ໃຫ້ແກ່ ກະຊວງ ສາທາລະນະສຸກ ໂດຍແມ່ນ ທ່ານ ຮຈ ດຣ ບຸນກອງ ສີຫາວົງ ລັດຖະມົນຕີ ກະຊວງ ສາທາລະນະສຸກ ເປັນຜູ້ກ່າວຮັບ. ການຊ່ວຍເຫລືອຄັ້ງ​ນີ້ ແມ່ນ ຫນຶ່ງໃນກິດຈະກໍາ ການຮ່ວມມື ໃນການປັບປຸງດ້ານວຽກງານໂພ​ຊະນາການ ໃນ ສປປ ລາວ. ພາຫະນະເຫລົ່ານີ້ ຈະປະກອບສ່ວນໃນການປັບປຸງ ຄວາມສາມາດຂອງກອງເລຂາ ຂອງຄະນະກຳມາທິການ ວຽກວຽກງານໂພຊະນາການ ຢູ່​ບັນ​ດາ ແຂວງຕ່າງໆ ໃນການລົງຕິດຕາມ ຊຸກຍູ້ ຊ່ວຍເຫລືອ ກິດຈະກຳທີ່ກ່ຽວຂ້ອງກັບວຽກງານໂພຊະນາການ ໃນທ້ອງຖິ່ນ​ຂອບ​ເຂດ​ຕົນ​ເອງ​ຮັບ​ຜິດ​ຊອບ. 

  • 19 ກ.ກ

ບັນ​ຫາ AMR ( Antimicrobial Resistance ) ເປັນ​ບັນ​ຫາ​ທີ່​ໜ້າ​ເປັນ​ຫ່ວງ​ຂອງ​ໂລກ ກໍ່​ຄື​ພາ​ກ​ພື້ນນີ້ ລວມ​ທັງ ສ​ປ​ປ ລາວ. ມາ​ຮອດ​ປະ​ຈຸ​ບັນ​ພວກ​ເຮົາ​ຮັບ​ຮູ້ ຂໍ້​ມູນ​ພື້ນ​ຖານ​ຂອງ​ປະ​ເທດ​ຍັງ​ໜ້ອຍ ແລະ ຍັງ​ບໍ່​ທັນ​ມີ​ມາດ​ຕະ​ການ​ທີ່​ຮັບ​ຮອງ​ໄດ້​ດີ​ເທື່ອ ເຖິງວ່າ​ພວກ​ເຮົາ​ໄດ້​ມີ​ການ​ສ້າງ​ຕັ້ງ​ຄະ​ນະ​ກຳ​ມະ​ການ AMR ເຊີ່ງ​ເປັນ​ບາດ​ກ້າວ​ທີ່​ສຳ​ຄັນ ແຕ່ກໍ່​ຍັງ​ມີ​ຂໍ້​ຈຳ​ກັດ ແລະ ສິ່ງ​ທ້າ​ທາຍຫຼາຍ​ຢ່າງ​ໃນ​ການ​ຈັດ​ຕັ້ງ​ປະ​ຕິ​ບັດ ຕົວ​ຈິງ ບັນ​ຫາ AMR ບໍ່​ພຽງ​ແຕ່​ເປັນ​ບັນ​ຫາ​ສາ​ທາ​ລະ​ນະ​ສຸກ​ເທົ່າ​ນັ້​ນ ມັນ​ໄດ້​ພົວ​ພັນ​ກັນຫຼາຍ​ຂະ​ແໜງ​ການ ເປັນ​ຕົ້ນ: ຂົງ​ເຂດ​ກະ​ສິ​ກຳ ວຽກ​ງານ​ສັດ​ຕະ​ວະ​ແພດ, ຂົງ​ເຂດ​ສິ່ງ​ແວດ​ລ້ອມ ໜ່ວຍ​ງານ​ບໍ​ລິ​ການ​ປິ່ນ​ປົວ ລໍ​າພັງແຕ່​ຂະ​ແໜງ​ການ​ດຽວ​ແມ່ນ​ບໍ່​ສາ​ມາດ​ເຮັດ​ສຳ​ເລັດ​ໄດ້​ມັ​ນ​ຮຽກ​ຮ້ອງ​ໃຫ້​ມີ ຂອດ​ປະ​ສານ​ງານ​ລະ​ຫວ່າງຫຼາຍ​ຂະ​ແໜງ​ການ ປະ​ສານ​ງານ​ກັບ​ຊາຍ​ແດນ​ຕິດ​ຕໍ່​ລະ​ຫວ່າງ​ປ​ະເທດ.

ໃນ​ກອງ​ປະ​ຊຸມ​ໃຫ່​ຍ​ອົງ​ການ​ອະ​ນາ​ໄມ​ໂລກ ແມ່ນ​ໄດ້​ເອົາ​ວາ​ລະ AMR ເປັນ​ວາ​ລະ​ສຳ​ຄັນ​ໜື່ງ​ຂອງກອງ​ປະ​ຊຸມ ເຊີ່ງ​ໄດ້​ຮຽກ​ຮ້ອງ​ໃຫ້​ບັນ​ດາ​ປະ​ເທດ​ສະ​ມາ​ຊິກ ຈົ່ງ​ພ້ອມ​ກັນ​ຮ່ວມ​ແຮງ​ຮ່ວມ​ໃຈ​ເພື່ອ​ສະ​ກັດ​ກັ້ນ ການ